پڕۆسەی دابەشکردنی زەوی لە دوو ناوچەی دیکەی کوردستان دەستپێدەکات

ئاڤا نیوز

وەزارەتی شارەوانی فۆڕمی فەرمانبەرانی ئاڕاستەی ئەنجوومەنی وەزیران دەکات، دوای وەرگرتنی ڕەزامەندی ناوەکانیان دەگەڕێندرێتەوە شارەوانییەکان تاوەکو بەگوێرەی زەوی ئامادەکراو تیروپشک بۆ ناوەکانیان بکرێت.

وێنە گەورەکە: لە قۆناغی دووەمی دابەشکردنی زەوی تیروپشک بۆ نزیکەی 70 هەزار پارچە زەوی دەکرێت، پرۆسەکە ئیدارە سەربەخۆکانی سۆران و گەرمیانیش دەگرێتەوە و زیاتر لە 10 هەزار فەرمانبەر سوودمەند دەبن.

 

لێدوانی فەرمی: سەربەست مەولود، بەڕێوەبەری بەشی یاسایی لە وەزارەتی شارەوانی و گەشتوگوزار بە ئاڤا نیوزی ڕاگەیاند، "نزیکەی پێنج هەزار پارچە زەوی لە گەرمیان و کەلار ئامادەن، هەفتەی داهاتوو تیروپشک بۆ دابەشکردنی زەوییەکان دەکرێت."

 

گوتیشی، "لە ئیدارەی سەربەخۆی سۆران زەوی ئامادەیە و چاوەڕوانین ڕەزامەندی بۆ نزیکەی شەش هەزار فەرمانبەر بگەڕێتەوە و تیروپشکی وەرگرتنی زەوییان بۆ بکرێت."

 

لەلایەکی دیکەوە: لەم قۆناغەدا پرۆسەکە ئیدارەی سەربەخۆی ڕاپەرین ناگرێتەوە، لەو باریەوە ئاوارە کوێخا عەلی، بەڕێوبەری گشتیی شارەوانیەکانی ڕاپەرین، بە ئاڤا نیوزی ڕاگەیاند، "نزیکەی یەک هەزار پارچە زەوی ئامادەکراوە، ئێستا فەرمانبەرانی سێ وەزارەت ڕەزامەندییان بۆ وەرگیراوە، چاوەروانی نیشاندانی ڕەزامەندین بۆ وەزارەتەکانی دیکەش، تاوەکو ئەو فەرمانبەرانەی زۆرترین خاڵیان هەیە لە وەرگرتنی زەوی سوودمەندبن