هونەرمەند؛ پەرواز حوسێن شێرپەنجەی تێپەڕاند

ئاڤا نیوز

 

هونەرمەند پەرواز حوسێن دوای وەرگرتنی چارەسەر و تێپەڕاندنی نەخۆشییەکەی گەڕایەوە بۆ هەرێمی کوردستان.

 

وێنە گەورەکە: دوای تووشبونی هونەرمەند "پەرواز حوسێن" بە نەخۆشیی شێرپەنجە، هونەرمەندەکە بۆ وەرگرتنی چارەسەر ڕووی لە دەرەوەی وڵات کرد، دوای تێپەڕاندنی نەخۆشییەکەی لەڕێگەی فڕۆکەخانەی نێودەوڵەتیی هەولێرەوە گەڕایەوە شارەکە.

 

لێدوانی فەرمی: هونەرمەند پەرواز حوسێن لە کۆنگرەیەکی ڕۆژنامەوانیدا ڕایگەیاند: ماوەی نزیکەی 12 مانگە لە قۆناغێکی سەخت دابووم، هاوکات زۆر دڵخۆشم کە توانیم ئەو قۆناغەی ژیانم تێپەڕێنم و هەوادارانم بەشێک بوون لەو خۆڕاگری و بەهێزییەم.

 

ئەوەی پێویستە بیزانیت: هونەرمەند، پەرواز حوسێن دوای بەشداریکردنی لە وەرزی دووەمی بەرنامەی عەرەب ئایدل لە ساڵی 2013، توانی لە 10 فینالیستی پێشبڕکێکە پلەی شەشەم بەدەست بهێنێت و ناوبانگ پەیدا بکات.