حیزبوڵڵای عێراق داوای ڕەوانەکردنی هێزی سەربازی لە عێراقەوە بۆ سووریا دەکات

ئاڤا نیوز

 

حیزبوڵڵای عێراقی داوای ڕەوانەکردنی هێزی سەربازیی فەرمی لە عێراقەوە بۆ سووریا دەکات و وەزارەتی ناوخۆی عێراقیش ئەو دەنگۆیانەی باس لە ناردنی هێز بۆ سووریا دەکەن، ڕەتدەکاتەوە.

 

وێنە گەورەکە: ئاڵۆزیی دۆخی سووریا و پێشهاتەکانی ناوچەکە عێراقی نیگەران کردووە و ئاسایشی سنوورەکانی لەگەڵ سووریا تووندترکردووە و هێزە عێراقییەکان لە ئامادە باشیدان.

 

ڕاگەیێنراوی فەرمی: حیزبوڵڵای عێراقی ڕایگەیاند: "پێویستە حکومەتی عێراق دەستپێشخەری بکات بۆ ڕەوانەکردنی هێزی سەربازیی فەرمی بۆ سووریا بە هەماهەنگی لەگەڵ حکومەتەکەی بۆ ڕووبەڕووبوونەوەی ئەو گرووپانەی مەترسی بۆ سەر ئاسایشی نیشتمانیی عێراق و ئاسایشی تەواوی ناوچەکە دروست دەکەن".

 

زانیاریی زیاتر: حیزبوڵڵای عێراقی ئاماژەی بەوەش کرد، بڕیاری ڕەوانەکردنی گرووپە چەکدارەکانی " میحوەری مقاوەمەی ئیسلامی"  بۆ بەشداریکردن لە شەڕی سووریا تاوەکو ئێستا نەدراوە.