ئاسایشی سلێمانی دەستگیرکردنی دوو ئەندامی داعش ڕادەگەیێنێت

ئاڤا نیوز

 

بەڕێوەبەرایەتیی گشتیی ئۆپەراسیۆنەکانی ئاسایشی سلێمانی، لەسەر بنەمای زانیاریی هەواڵگریی دەستگیرکردنی دوو تیرۆرستی ڕاگەیاند کە لەلایەن دەزگای نیشتمانیی عێراق داواکرابوون.

 

ڕاگەیێنراوی فەرمی: بەڕێوەبەرایەتیی گشتیی ئۆپەراسیۆنەکانی ئاسایشی سلێمانی ڕایگەیاند: شەوی ڕابردوو2- 12- 2024  لە ئۆپراسیۆنێکدا، لەسەر بنەمای زانیاریی هەواڵگریی، بە بڕیاری دادوەری لێکۆڵینەوەی ئاسایش توانیمان دوو تیرۆریست کە لەلایەن دەزگای ئاسایشی نیشتمانیی عێراق داواکرابوون لە سنووری بانی مەقان دەستگیربکەین.

 

زانیاریی زیاتر: دوو تیرۆرستەکە بەناوەکانی (م.ا.ح) و (ع.ا.ح) بەماددەی 4ـی تیرۆر لە دادگاکانی عێراق داواکراون، لە ڕابردوودا چەکداری داعش بوون و بەشداری چەند کردەیەکی تیرۆریستان کردووە، پاشان بەمەبەستی خۆحەشاردان ڕوویان لە سنووری بانی مەقان لە چەمچەماڵ کردبوو، بەهەوڵی بەڕێوەبەرایەتیی گشتیی ئۆپراسیۆنەکانی ئاسایش توانرا دەستگیربکرێن و رووبەڕووی یاسابکرێنەوە.