بۆچی یەکێتی لە مێپس بەشدار نەبوو؟

ئاڤا نیوز

بەشدارنەبوونی یەکێتیی نیشتمانیی کوردستان لە کۆڕبەندی مێپس بووە جێگەی سەرنج و پرسیار. بەدواداچوونەکانی ئاڤا دەریدەخەن کە بانگهێشتنامەی فەرمی بۆ ئەو حیزبە نێردراوە، بەڵام بەهۆی "سەرقاڵییەوە" بەشدارییان نەکردووە.

چیرۆکی سەرەکی: بە ئامادەبوونی سەرۆک بارزانی و سەرکردە و لایەنە سیاسییەکانی عێراق، بەشەکانی دیکەی کوردستان و میوانانی دیکەی ناوچەکە، لە شاری دهۆک شەشەمین كۆڕبەندی ئاشتی و ئاسایشی ڕۆژهەڵاتی ناوەڕاست (MEPS) بەڕێوەچوو.

پرسیاری خەڵک: نەبوونی نوێنەرانی یەکێتی لە ناو ئەو هەموو دیپلۆماتکار و سیاسەتمەدارە کە لە 25 وڵاتی جیاوازەوە هاتبوون، پرسیاری لای خەڵک دروست کرد، بەو پێیەی چاوەڕوان دەکرا هاوشێوەی لایەنەکانی دیکە، یەکێتیش لەوێ ئامادەیی هەبێت.

بەدواداچوونی ئاڤا: بە مەبەستی زانینی هۆکاری ڕاستەقینەی ئەم ئامادەنەبوونە، ئاڤا پرسیاری لە ڕێکخەرانی کۆڕبەندی مێپس کرد کە ئایا هۆکارەکە بانگهێشتنەکردن بووە یان شتی دیکە. ڕێکخەرانی کۆڕبەندەکە بە ئاڤایان وت، "بەڵێ داوەتمان کردوون، بەتایبەتی بانگهێشتنامەی فەرمی بۆ قوباد تاڵەبانی نێردراوە، ناوبراو لە وەڵامی بانگهێشتنامەکەدا ڕایگەیاندووە کە بەهۆی دروستبوونی کار و پابەندییەوە، ناتوانێت ئامادە بێت."