هۆشداری لەبارەی کوالێتیی تایەی هاوردەکراو بۆ هەرێمی کوردستان دەدەرێت

ئاڤا نیوز

 

هۆشداری لەبارەی کوالێتی تایەی ئەو ئۆتۆمبێلانە دەدرێت کە هاوردەی هەرێمی کوردستان دەکرێن، بەگوێرەی بەدواداچوونەکانی ئاڤا بەشێک لە بازرگانانی هاوردەکردنی تایە خەتابارن.

 

زانیاریی بەدەستهاتوو: بەگوێرەی بەدواداچوونەکانی ئاڤا ئەو بازرگانانە بۆ ئەوەی کرێی کەمتر بدەن و قەبارەی بارەکەیان بچووکتر بێتەوە، چوار تا پێنج تایە ئەخەنەوە ناو یەک تایە.

 

مەترسییە پێشبینیکراوەکان: مەترسیەکەش ئەوەیە، ئەم کارەی بازرگانەکان وا دەکات فشارێکی زۆر لەسەر تایەکان دروست بێت، سیمی ناو تایەکان لارو وێر بێت یا بچەمێتەوە، ئەمەش وادەکات هاوسەنگی تایەکە تێک ئەچێت.

ژمارەکان وادەڵێن: بەپێی ئامارێکی گومرگی هەرێمی کوردستان، ساڵی 2023، 12 هەزار و 245 تۆن تایەی قەبارە جیاواز هاوردەی هەرێمی کوردستان کراوە، لە نۆمانگی یەکەمی ئەمساڵیش 18 هەزار و 288 تۆن لە چەند وڵاتێکی جیاواز هاوردەکراوە .