ئیدارەی دەوڵەت پەیوەست بە قەیرانی سووریا دەستپێشخەرییەک ڕادەگەیێنێت

ئاڤا نیوز 

هاوپەیمانیی ئیدارەی دەوڵەت کە لایەنەکانی پێکهێنەری حکومەتی عێراق لەخۆدەگرێت، دەستپێشخەرییەکی عێراقی بۆ بانگهێشتکردنی وڵاتانی دراوسێ و وڵاتانی پەیوەندیدار بە قەیرانی سووریا بۆ کۆبوونەوەیەکی خێرا لە بەغدا ڕادەگەیێنێت.

چیرۆکی سەرەکی: ئێوارەی ڕۆژی سێشەممە 3-12-2024، هاوپەیمانیی ئیدارەی دەوڵەت بە ئامادەبوونی محەممەد شیاع سوودانی، سەرۆکوەزیرانی عێراق و مەحموود مەشهەدانی، سەرۆکی ئەنجوومەنی نوێنەران کۆبوونەوەی ئاسایی خۆی ئەنجامدا، کۆبوونەوەکە تەرخانکرابوو بۆ تاوتوێکردنی پێشهاتە ئەمنییەکان لە سووریا و کاریگەرییەکانیان لەسەر ئاسایشی نیشتمانیی عێراق.

ڕاگەیێنراوی فەرمی: هاوپەیمانیی ئیدارەی دەوڵەت لە کۆبوونەوەکە پاڵپشتی و پشتیوانی خۆی بۆ هەموو هەوڵە دیپلۆماسی و ئەمنییەکانی حکومەت دەربڕی کە لە سەرەتای قەیرانەکانەوە گرتوونیەتەبەر، داواشی کرد "بەغدا ببێتە بارەگایەک بۆ گفتوگۆ بەردەوامەکان".

زانیاریی زیاتر: بەپێی ڕاگەیێنراوەکە، لایەنەکانی هاوپەیمانی ئیدارەی دەوڵەت دەستپێشخەرییەکی عێراقییان ڕاگەیاند بۆ بانگهێشتکردنی وڵاتانی دراوسێ و وڵاتانی پەیوەندیدار بە قەیرانی سووریا بۆ کۆبوونەوەیەکی خێرا لە بەغدا.