عەرەب و تورکمان لەبارەی دابەشکردنی پۆستەکانی کەرکووک پەشیمان دەبنەوە

ئاڤا نیوز

عەرەب و تورکمانەکانی کەرکووک لەو ڕێککەوتنەی پێشتر بە سەرۆکایەتیی سوودانی لە بەغدا کردبوویان، پەشیمان دەبنەوە و دەڵێن بە پۆستی پارێزگار نەبێت ڕازی نابن.

ئەم هەفتەیە حیزبە براوەکانی هەڵبژاردن لە کەرکووک، کە هاوپەیمانێتیی ئیدارەی کەرکووک-یان پێکهێناوە، دووەم کۆبوونەوە بە سەرۆکایەتیی محەممەد شیاع سوودانی، سەرۆکوەزیرانی عێراق لە بەغدا دەکەن.

 

لە یەکەم کۆبوونەوەدا لایەنەکان وا ڕێککەوتبوون پۆستی پارێزگار بۆ کورد بێت، سەرۆکی ئەنجوومەنی پارێزگا بۆ عەرەب، بڕیاردەری ئەنجوومەن و قایمقامیش بۆ تورکمان. لەمەودوا پارێزگار دوو جێگری هەبێت، ئەگەر پارێزگار بۆ یەکێتی بێت، ئەوا جێگری یەکەمیان بۆ پارتی و جێگری دووەمیشیان بۆ عەرەب .

لە ڕاپۆرتەدا قەحتان وەندوای، بەرپرسی لقی کەرکووکی بەرەی تورکمانی، ئیسماعیل حەدیدی، سەرۆکی حیزبی هەدەفی عەرەبی، حەسەن مەجید، سەرۆکی فراکسیۆنی پارتی لە ئەنجوومەنی پارێزگای کەرکووک و عەلی قەڵایی، بەرپرسی دەزگای هەڵبژاردنی یەکێتی لە کەرکووک قسە دەکەن.