سبەی پەرلەمانی عێراق كۆدەبێتەوە و چەند پڕۆژە یاسایەك تاوتوێ دەكات

ئاڤا نیوز

 

دوای ئەوەی كۆبوونەوەی ئەمڕۆی پەرلەمانی عێراق هەڵگیرا، وابڕیارە سبەی كۆبوونەوەیەكی دیكە بەڕێوەبچێت و لەمیانەدا چەند پڕۆژە یاسایەك تاوتوێ بكرێن.

 

بڵاوكراوەی فەرمی: بەپێی بەرنامەی كاری پەرلەمانی عێراق، كاتژمێر (1:00)ی پاشنیوەڕۆی سبەی پێنجشەممە كۆبوونەوەی پەرلەمانی عێراق بەڕێوەدەچێت، تێیدا هەریەك لە پڕۆژە یاسای دەزگای هەواڵگریی نیشتمانی و پڕۆژە پێشنیازی هەمواركردنەوەی یەكەمی یاسای پاسپۆرت دەخرێنە دەنگدانەوە.

 

لەلایەكی دیكەوە: هەر بەپێی ناوەڕۆكی بەرنامەی كاری كۆبوونەوەی سبەیی پەرلەمانی عێراق، لە كۆبوونەوەكەدا خوێندنەوە و گفتوگۆ بۆ هەمواری پرۆژە یاسای بودجەی عێراق، هەمواری پێنجەمی یاسای فڕۆكەوانیی شارستانی دەكرێت.

 

ئەوەی پێویستە بیزانیت: پاشنیوەڕۆی ئەمڕۆ چوارشەممە 4-12-2024، كۆبوونەوەیەكی پەرلەمانی عێراق بەڕێوەچوو كە تێیدا محەممەد شیاع سوودانی، سەرۆكوەزیرانی عێراق و ژمارەیەك وەزیر ئامادەی بوون و لەمیانەدا چەند پرسێك تاوتوێ كران، یەكێك لەوانە پرسی دواكەوتنی دابەشكردنی مووچەی فەرمانبەرانی هەرێمی كوردستان بوو.