ڕێبەر ئەحمەد: نەناردنی مووچە سیاسییە و چیدیکە بیانووەکانیان قبووڵکراو نین

ئاڤا نیوز

 

وەزیری ناوخۆی هەرێمی کوردستان لە میانی کۆنگرەیەکی ڕۆژنامەوانی سەبارەت بە مووچە و چەند پرسێکی دیکە جەختی کردەوە کە نەناردنی مووچە سیاسییە و هەردوو سەرۆکوەزیران مەسرور بارزانی و سوودانی بۆ چارەسەرکردنی لەسەر هێڵن. 

 

وێنە گەورەکە: وەزارەتی ناوخۆی هەرێمی کوردستان بەمەبەستی ئاسانکاری و خێراترکردنی لە کاروبارەکانیدا سیستمی بەڵگە و تاوانی کرد بە دیجیتاڵی، کە یارمەتیدەرە بۆ ئەوەی بەڵگەکان بۆ چەند ساڵێک بمێننەوە بەبێ ئەوەی تێک بچن، لە کاتی سەردانیکردنی تاقیگەی بەڵگە و تاوان لە کۆنگرەیەکی ڕۆژنامەوانیدا باسی لە چەند پرسێکی جیاواز کرد.  

 

لێدوانی فەرمی: ڕێبەر ئەحمەد، وەزیری ناوخۆی هەرێمی کوردستان ڕایگەیاند: نەناردنی مووچە لە پرسە یاساییەکان دەرچووە و سیاسییە، ئەم بڕیارانەی عێراق هەڵەن و هیوادارین بەزووترین کات موچە بنێردرێن و چیدیکە ئەو بیانووانە قبووڵکراو نین، حکومەتی هەرێمی کوردستان هەموو داتاکانی ڕادەست کردوون و هیچ نەماوە بیکات. هاوکات سەرۆکوەزیران مەسرور بارزانی و سوودانی بۆ چارەسەری پرسی مووچە لەسەرهێڵن.

 

لەلایەکی دیکەوە: ڕێبەر ئەحمەد سەبارەت بە گەی هەماهەنگی نێوان حکومەتی هەرێمی کوردستان و بەغدا ڕایگەیاند: پێشتر زانیاریمان دەستکەوتووە کە لە سلێمانی کارگەی ماددەی هۆشبەر هەبووە و بەرهەمیشی هەبووە، دەستیشی بەسەردا گیراوە و پێویستە ڕێکاری یاسایی تووند بگیریتە بەر بۆ ئەوانەی  پەیوەندییان پێیەوە هەیە.

 

زانیاریی زیاتر: سەبارەت بە ئۆتۆمبێلی بێسەرەتا وەزیری ناوخۆی هەرێمی کوردستان گوتی: ئۆتۆمبێلی بێسەرەتا لە خاڵە سنوورییەکانی باشماخ و پەروێز خانەوە داخڵ دەبن و ئەوانەی مەلیکەن لە خواروو و ناوەڕاستی عێراقەوە دێن.