نوێنەری سەرۆك بارزانی لە كۆنفرانسی ساڵانەی پارتە دیموكراتەكان لە واشنتن بەشدار دەبێت

ئاڤا نیوز

 

شاندێكی باڵای هەرێمی كوردستان بۆ بەشداریكردن لە كۆنفرانسی ساڵانەی پارتە دیموكراتەكان لە 'واشنتن'ـن، نوێنەری سەرۆك بارزانی وەك نوێنەری پارتی دیموكراتی كوردستان لەپاڵ پارتی کۆمارییەکانی ئەمریکا و دەیان پارتی گەورەی جیهان، بۆ گفتوگۆكردن لەسەر پرسە گرنگەكانی جیهان لەو كۆنفرانسەدا بەشدار بوون.

 

وێنە گەورەكە: كۆنفرانسی ساڵانەی یەكێتی پارتە دیموكراتەكان 'IDU' لە واشنتنی پایتەختی ئەمریكا بە بەشداری نوێنەرانی زیاتر لە 100 پارتی دیموكرات لە 80 وڵاتەوە بەڕێوەدەچێت، كە نوێنەری پارتەكان لەئاستی سەرۆك، سەرۆكوەزیران، پەرلەمانتاران بەشداری لە كۆنفرانسەكە دەكەن، مەبەستی سەرەكیش گفتوگۆكردنە لەبارەی پرسە هەنووكەییە گرنگەكانی جیهان.

 

لێدوانی فەرمی: فەلاح حەسەن، سەرۆکی فەرمانگەی ڕێکخراوە ناحکومییەکانی هەرێمی کوردستان و جێگری سەرۆکی پێشووی لاوانی جیهان، وەك نوێنەری سەرۆك بارزانی لەو كۆنفرانسە کە بەشداربوو، ڕایگەیاند: لەماوەی 3 ڕۆژی كۆنفرانسەكە، قەیرانەكانی جیهان و پرسە هەنووكەییەكان و پەیوەندیی نێوان پارتە جەماوەرییەكانی جیهان، گفتوگۆی لەبارەیەوە كرا.

 

بۆچی گرنگە: گرنگترین پرسە جیهانییەكان دەبردرێنە سەر مێزی گفتوگۆكانی كۆنفرانسی ساڵانەی پارتە دیموكراتەكان، بەشداریكردنی پارتی دیموكراتی كوردستان وەك پارتێكی جەماوەریی كوردستان، پێگەی هەرێمی كوردستان لەناوەندە جیهانییەكان بەهێزتر دەكات.