ئاڤا زانیاریی ورد لەبارەی چوار مووچەی ئەمساڵی مووچەخۆرانی کوردستان بڵاودەکاتەوە

ئاڤا نیوز

تاوەکو ئێستا مووچەخۆرانی هەرێمی کوردستان مووچەی مانگی نۆیان وەرنەگرتووە و ئاڤا میدیا دوایین زانیاریی لەبارەی چوار مووچەی ئەمساڵ ئاشکرا دەکات.

وێنە گەورەکە: مووچەخۆرانی هەرێمی کوردستان تاوەکو ئێستا هەشت مووچەیان وەرگرتووە، چوار مووچەیان ماوە وەری بگرن، کەمتر لە مانگ و نیوێک لەبەردەم حکومەتی عێراقە تاوەکو پارەی ئەو مووچانە خەرج بکات، هەوڵەکانی حکومەتی هەرێمی کوردستان بۆ خەرجکردنی هەر چوار مووچەکە بەردەوامە.

لێدوانی فەرمی: ڕێباز حەملان، یاریدەدەری سەرکوەزیرانی هەرێمی کوردستان بە ئاڤای ڕاگەیاند: هەرێمی کوردستان هەموو پابەندییەکانی خۆی لە هەناردەکردنەوەی نەوت و داهاتی نانەوتی بەرامبەر بە عێراق جێبەجێ کردووە، بۆیە دەبێت عێراق پابەندییەکانی خۆی جێبەجێ بکات.

زانیاریی زیاتر: بە گوتەی ڕێباز حەملان، مەسرور بارزانی، سەرۆکوەزیرانی کوردستان لەگەڵ محەممەد شیاع سووودانی، سەرۆکوەزیرانی عێراق کۆبووەتەوە و جەختی کردووەتەوە لەوەە دەبێت چوار مووچەی ئەمساڵی مووچەخۆرانی هەرێمی کوردستان خەرج بکرێت، بۆیە بەزووترین کات مووچەی مانگی نۆ خەرج دەکرێت. 

لەلایەکی دیکەوە: ئەگەر مووچەکانی مانگی 11 و 12 ئەمساڵ خەرج نەکرێن، ئەوا ڕەنگە خەرجکردنەکەی بکەوێتە ساڵی داهاتووەوە. ڕێباز حەملان وا دەڵێت.