شەڕ هاڕە بە لیرەی سووری دەكات

ئاڤا نیوز 

 

هەڵكشانی گرژی و ئاڵۆزییەكانی سووریا بازاڕی دراوی ئەو وڵاتەی تەواو پەكخستووە، لیرەی سووریش داشكانێكی مێژوویی بەرامبەر دۆلار تۆماردەكات.

 

وێنە گەورەكە: لەڕۆژی 27-11-2024ـەوە شەڕ و ناكۆكی ناوچەكانی باكووری سووریای گرتووەتەوە و زیانی بە سەرجەم سێكتەرەكانی ئەو وڵاتە گەیاندووە، تادێت بەرەكانی شەڕەكە فراوانتر دەبێت و مەترسی ڕوودانی كارەساتی مرۆیی زیاتر دەبێت.

 

لێدوانی فەرمی: سەرچاوەیێكی تایبەت بە ئاڤا میدیای ڕاگەیاند، نرخی لیرەی سووری بەرامبەر دۆلاری ئەمریكی لە بازاڕەكانی دراو لە سووریا بەربەستی (20 هەزار لیرە بەرامبەر یەك دۆلار)ی تێپەڕاند، ئەم داشكانەش لە مێژووی ئەو وڵاتە ڕووینەداوە.

 

زانیاریی زیاتر: بەگووتەی خاوەن نووسینگەكانی مامەڵەكردن بە دراوی بیانی لە شاری قامشلۆ، ئەو دۆخە ناهەموارە، كڕین و فرۆشتنی دۆلاری پەكخستووە و ئێستا هیچ جۆرە مامەڵەیەك ناكرێت و مەترسی دابەزینی زیاتری نرخی لیرە هەیە.