ئیتاڵیا سەركەوتنی پرۆسەی هەڵبژاردن لە هەرێمی كوردستان پیرۆز دەكات

ئاڤا نیوز

باڵیۆزی ئیتاڵیا لە عێراق، سەركەوتنی دوایین پرۆسەی هەڵبژاردن لە سەرۆكی هەرێمی كوردستان پیرۆز دەكات، بۆ ناوخۆی هەرێمی كوردستانیش هیوا دەخوازێت كابینەی نوێی حكومەت لەكاتێكی زوو پێكبهێنرێت.

چیرۆكی سەرەكی: نێچيرڤان بارزانى، سه‌رۆكى هه‌رێمى كوردستان، پێشوازیی لە نيكۆلۆ فۆنتانا، باڵيۆزى ئيتاڵيا له‌ عێراق كرد و لە كۆبوونەوەیەكدا كە كۆنسوڵی گشتیی ئیتاڵیا لە هەرێمی كوردستانیش ئامادەی بوو؛ په‌يوه‌ندييه‌كانى ئيتاڵيا له‌گه‌ڵ عێراق و هه‌رێمى كوردستان تاوتوێ كران، هه‌روه‌ها تيشكيان خسته‌ سه‌ر پرۆسه‌ى سياسى و سه‌ركه‌وتنى هه‌ڵبژاردنى ئه‌نجوومه‌نى نوێنه‌رانى عێراق.

ڕاگەیێنراوی فەرمی: ماڵپەڕی فەرمیی سەرۆكایەتیی هەرێمی كوردستان لە ڕاگەیێنراوێكدا ئاماژەی بەوە كرد، باڵیۆزی ئیتاڵیا خۆشحاڵى خۆی به‌ سه‌ركه‌وتنى پرۆسه‌ى ده‌نگدان و هه‌ڵبژاردن دەربڕیوە، هيوای خواست قۆناغێكى نوێى باشتر له‌ هه‌موو ڕوويه‌كه‌وه‌ له‌ عێراق و هه‌رێمى كوردستان ده‌ستپێبكات. هاوكات ده‌رباره‌ى داهاتووى پرۆسه‌ى سياسى له‌ عێراق و هه‌رێمى كوردستان بيروڕايان گۆڕييه‌وه‌.

زانیاریی زیاتر: دۆخى ناوخۆى هه‌رێمى كوردستان و هه‌وڵه‌كان بۆ پێكهێنانى كابينه‌ى داهاتووى حكومه‌ت، تەوەرێكی دیكەی كۆبوونەوەكە بوو، هەردوولا بەپێویستیان زانی لە ئایندەیەكی نزیكدا كابینەی نوێ پێكبهێنرێت.

لەلایەكی دیكەوە: پرۆسه‌ی ئاشتی له‌ تورکیا، دۆخى سووریا و ناوچه‌كه‌ به‌گشتی، لايه‌نێكى ديكه‌ى كۆبوونه‌وه‌كه‌ بوو.