ڕۆژی یەکشەممە دووبارە پەرلەمانی عێراق کۆدەبێتەوە

ئاڤا نیوز

 

بەبێ بڵاوکردنەوەی كارنامەی دانیشتنەکە، بڕیارە پەرلەمانی عێراق ڕۆژی یەکشەممەی داهاتوو کۆببێتەوە.

 

وێنە گەورەکە: لە دانیشتنی ڕۆژی پێنج شەممەی ڕابردوو پەرلەمانی عێراق بڕگەی تایبەتی بە هەمواری یەکەمی یاسای بودجەی لە کارنامەکەی لابرد، بەو هۆیەوە پەرلەمانتارانی کورد کۆبونەوەکەیان جێهێشت و دانیشتنە هەڵگیرا.

 

ڕاگەیێنراوی فەرمی: فەرمانگەی ڕاگەیاندنی پەرلەمانی عێراق بڵاوی کردەوە: ڕۆژی یەکشەممەی داهاتوو 8-12-2024 کاتژمێر یەکی پاش نیوەڕۆ پەرلەمانی عێراق کۆدەبێتەوە.

 

زانیاریی بەدەستهاتوو: بڕیار بوو ئەم دانیشتنە ڕۆژی شەممە بکرایە و تایبەت بوایە بەخوێندنەوەی دووەم بۆ پڕۆژە یاسایی هەموارکردنەوەی بودجە، بەڵام بەپێی ئەو زانیاریانەی دەست ئاڤا کەوتوون بەهۆی گەشتی بەرپرسانی وەزارەتی دارایی بۆ دەرەوەی وڵات دانشتنەکە دواخرا.