سوودانی و عێراقچی: ئەوەی لە سووریا ڕوودەدات درێژکراوەی شەڕی غەززە و لوبنانە

ئاڤا نیوز

 

سەرۆکوەزیرانی عێراق و وەزیری دەرەوەی ئێران لەبارەی دۆخی سووریا لە بەغدای پایتەخت کۆبوونەوە.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق ڕایگەیاند: لەمیانی کۆبوونەوەی لەگەڵ عەباس عێراقچی، وەزیری دەرەوەی ئێران، محەممەد شیاع سوودانی، سەرۆکوەزیرانی عێراق گوتی، ڕووداوەکانی ئێستای سووریا جیاناکرێنەوە لەوەی لە غەززە و لوبنان ڕوودەدات.

 

سوودانی جەختی لەوە کردەوە، هەڵوێستی فەرمی و یەکگرتووی عێراق لەگەڵ یەکڕیزی و ئاسایش و سەقامگیری سووریا و ڕێزگرتنە لە سەروەری خاکەکەی.

 

ئەمەش بزانە: سەرۆکوەزیرانی عێراق ئەوەشی دووپاتکردەوە، عێراق بەردەوام دەبێت لە هەوڵە دیپلۆماسییەکانی بۆ کۆنترۆڵکردنی قەیرانی سووریا، ئەمەش بەهۆی کاریگەرییەکانی لەسەر ئاسایشی عێراق.