ئەردۆغان و پووتین سەبارەت بە سووریا گفتوگۆ دەکەن

ئاڤا نیوز

ڕەجەب تەییب ئەردۆغان، سەرۆکی تورکیا و ڤلادیمیر پووتین، سەرۆکی ڕووسیا، پەیوەندییەکی تەلەفۆنییان سەبارەت بە دۆخی سووریا  و هەڵکشانی ئەم دوایەی گرژییەکان ئەنجام داوە.

وێنە گەورەکە: پەیوەندییە تەلەفۆنییەکە ڕۆژی سێشەممە، 3-12-2024 بووە و تیایدا ئەردۆغان جەختی لە یەکپارچەیی خاکی سووریا و پاراستنی کەسانی سڤیل کردووەتەوە.

لە پەیوەندییەکەدا پووتین داوای کردووە بەپەلە دوژمنکاریی گرووپە چەکدارییەکان لە دژی حکومەتی سووریا بوەستێنرێت. 

لەلایەکی دیکەوە: بڕیارە ڕۆژی شەممە، 7-12-2024، وەزیرانی دەرەوەی تورکیا، ڕووسیا و ئێران لە دەوحەی پایتەختی قەتەر کۆببنەوە.

 

ئەمەش بزانە: ئەمڕۆ هەینی، وەزیرانی دەرەوەی سووریا و ئێران و عێراق لە بەغدا کۆبوونەوە.