عەوادی: سووریا داوای پاڵپشتی سەبازیی و ڕەوانەکردنی هێزی لە عێراق نەکردووە

ئاڤا نیوز

 

حکومەتی عێراق ڕایدەگەیێنێت، سووریا تاوەکو ئێستا بەشێوەیەکی فەرمی داوای پاڵپشتی سەربازیی و ڕەوانەکردنی هێزی لە عێراق نەکردووە.

 

لێدوانی فەرمی: باسم عەوادی، وتەبێژی حکومەتی عێراق ڕایگەیاند: قەیرانی سووریا کاریگەری بۆ سەر ئاسایشی نەتەوەیی عێراق دەبێت و بۆیە پێویستە وڵاتەکەی بەردەوام ئاگاداری پێشهاتەکانی سووریا بێت و بزانێت لەو وڵاتە چی دەگوزەرێت”.

 

عەوادی ئاماژەی بەوەدا، دەزگا ئەمنییەکانی عێراق ڕێوشوێن و ڕێکاری پێویستیان گرتووەتەبەر و بەدرێژایی سنووری سووریا بڵاوەیانپێکراوە و حکومەتیش سنوورەکانی لەگەڵ ئەو وڵاتە بەتەواوی داخستووە.

 

چاره‌سه‌ره‌كان: لەبارەی هەوڵە دیپلۆماسییەکان وتەبێژی حکومەتی عێراق ئەوەی خستەڕوو، دەسەڵاتدارانی عێراق جوڵەیەکی دیپلۆماسییان لەگەڵ سووریا، ڕوسیا، ئەمریکا و ئێران دەستپێکردووە، بۆ دۆزینەوەی چارەسەرێکی گونجاو بۆ قەیرانی سووریا و ناوچەکە.