چەند سەرکردەیەکی باڵای عێراق گەیشتنە دەروازەی قائیم

ئاڤا نیوز

دوای ئەوەی سوپای سووریا و هاوپەیمانانی پاشەکشەیان کرد لە ناوچە سنووریەکان لەگەڵ عێراقدا، چەند سەرکردەیەکی باڵای سەربازی عێراق بەپەلە گەیشتنە دەروازی " قائیم" لەسەر سنووری سووریا. 

 

چیرۆكه‌ سه‌ره‌كییه‌كه‌: لیوا عەبدولئەمیر ڕەشید یارەڵڵا، سەرۆکی ئەرکانی سوپای عێراق و قەیس محەممەداوی، جێگری فەرماندەیی ئۆپەراسیۆنە هاوبەشەکان، بە یاوەری یاریدەدەری سەرۆکی ئەرکانی سوپا بۆ ئۆپەراسیۆنەکان و فەرماندەی هێزەکانی سوپا و ژمارەیەک فەرماندە و ئەفسەر، گەیشتنە دەروازەی قائیم.

 

ڕاگه‌یێنراوی فه‌رمی: فەرماندەیی ئۆپەراسیۆنە هاوبەشەکانی عێراق بەیاننامەیەکی بڵاوکردەوە و ڕایگەیاند: بەمەبەستی جێبەجێکردنی ئەو پلانە ئەمنییەی بۆ ڕووبەڕووبوونەوەی هەر مەترسی و ئاڵنگارییەک لەسەر سنوورەکان داڕێژراوە، تێمێکی باڵای سەربازی لەدەروازەی "قائیم"ـەوە سەرپەرشتی کارەکان دەکەن. 

بەکگراوند: سێشەممەی ڕابردوو شانەی ڕاگەیاندنی ئەمنی سەر بە وەزارەتی ناوخۆی عێراق بەئاڤا میدیای ڕاگەیاند: هیچ مەترسییەک لەسەر سنوورەکانی عێراق لەگەڵ سووریا نییە و بەتەواوی پارێزراوە لەلایەن سوپا و پێشمەرگە و حەشدی شەعبییەوە، هەموو ئامادەکارییەک کراوە لە ئەگەری هەر حاڵەتێکی لەناکاودا و سیناریۆی 2014 دووبارە نابیتەوە.