گەشتە ئاسمانییەکانی نێوان هەولێر و دیمەشق ڕاگیران

ئاڤا نیوز

 

بەهۆی دۆخی سووریا و کۆنترۆڵکردنی دیمەشقی پایتەخت لەلایەن چەکدارانی ئۆپۆزسیۆنی سووریا بە سەرکردایەتی تەحریرولشام، گەشتە ئاسمانیییەکانی نێوان هەولێر و دیمەشق ڕاگیران.

 

وێنە گەورەکە: ماوەی یازدە ڕۆژە چەکدارەکانی ئۆپۆزیسیۆنی سووریا ئۆپەراسیۆنی "ئازادکردنی" سووریایان ڕاگەیاندووە و بەرەبەیانی ئەمرۆ یەکشەممە 8-12-2024 توانیان دیمەشقی پایتەختی وڵاتەکە کۆنترۆڵ بکەن، هاوکات بەشار ئەسەد وڵاتەکەی بەرەو شوێنێکی نادیار جێهێشت، بەمەش گەشتە ئاسمانییەکانی فڕۆکەخانەکانی سووریا بۆ زۆربەی وڵاتان ڕاگیراون.

 

لێدوانی فەرمی: ئەحمەد وشیار، بەڕێوەبەری فرۆکەخانەی هەولێر بە ئاڤا نیوزی ڕاگەیاند: گەشتە ئاسمانییەکانی نێوان هەولێر و دیمەشقی پایتەختی سووریا تا کاتێکی نادیار ڕاگیراون.

 

بەڕێوەبەری فرۆکەخانەی هەولێر گوتیشی: شەوی ڕابردوو کاتژمێر 9ی شەو گەشتێکمان هەبووە، بەڵام بەهۆی ئەم بارودۆخەوە ئەویش ڕاگیرا.