ئەیمەن زێدان: هەڵەبووم پشتیووانیم لە بەشار ئەسەد کرد

ئاڤا نیوز 

 

ئەیمەن زێدان، هونەرمەندی بەناوبانگی سینەمایی سووری هەڵوێستی خۆی لەبارەی ڕوخانی ئەسەد دەردەبڕێت و دەڵێت، پەشیمانم لەوەی کە پشتیوانیم لە بەشار ئەسەد، سەرۆکی هەڵاتووی سووریا کردووە.

 

چیرۆکی سەرەکی: نزیکەی 13 ڕۆژ دەبێت هێرشەکانی ئۆپۆزیسیۆنی سووریا بە سەرۆکایەتی دەستەی تەحریرولشام بۆ سەر شار و ناوچە جیاجیاکانی سووریا دەستیپێکردووە. ئەمڕۆ یەکشەممە 8-12-2024، چەکدارانی ئۆپۆزیسیۆن توانییان شاری دیمەشق بگرن و کۆتایی بە 53 ساڵەی دەسەڵاتی بنەماڵەی ئەسەد بێنن.

 

وێنە گەورەکە: ئەمڕۆ یەکشەممە 8-12-2024، هێزەكانی ئۆپۆزیسیۆنی سووریا گەیشتنە دیمەشقی پایتەختی سووریا و كەوتنی دەسەڵاتی بەشار ئەسەدیان ڕاگەیاند، کە ماوەی 53 ساڵە دەسەڵاتی وڵاتەکەی بەدەستەوەیە. دوای ڕووخانی دەسەڵاتی ئەسەد، ئەکتەری ناوداری سووریا، ئەیمەن زێدان هەڵوێستی خۆی لەبارەی ڕووخانی ئەسەد دەربڕی.

 

لێدوانی فەرمی: ئەیمەن زێدان، هونەرمەندی بەناوبانگی سینەمایی سووریا، ڕایگەیاند: پڕ بەدەمم دەڵێم، من چەند هەڵەبووم، ڕەنگە ئێمە دیلی ترس بووبین، یان ڕەنگە ئێمە ترسمان لە گۆڕانکاریی هەبووبێت، چونکە پێمان وابووە دەبێتە هۆی خوێن ڕشتن و ئاژاوە، بەڵام ئێستا لەگەڵ پیاوانێک دەچینە قۆناغێکی نوێ، کە بەبڵاوکردنەوەی ڕۆشنبیریی و لێبووردەییەوە خواستی یەکبوونەوەی گەلی سووریایان هەیە.

 

ئەیمەن زێدان دەڵێت، سوپاس بۆ بوونت هەست دەکەم ترس و وەهمەکانم بڵاودەکەمەوە بە بوێری، داوای لێبوردن دەکەم بۆ ئەوەی دەمبینی و بیرم لێدەکردەوە، داوای لێبوردن دەکەم، چونکە ترس و خەیاڵەکانم بڵاو کردووەتەوە.

 

بۆچی گرنگە: سووریا ئێستا ئازادە و دوورە لە ستەمکاری، دوای 53 ساڵ لە تاوان و ستەمکاری و ئاوارەیی، کۆتایی بە سەردەمی تاریکی هات و سەرەتای سەردەمێکی نوێ بۆ سووریا دەستپێدەکات.