جۆبایدن: سەقامگیری باکووری ڕۆژهەڵاتی سووریامان بۆ گرنگە

ئاڤا نیوز

 

جۆو بایدن، سەرۆکی ئەمەریکا ڕایگەیاند، سەقامگیری باکووری ڕۆژهەڵاتی سووریای (ڕۆژئاوای کوردستان و ناوچەکانی ژێر دەسەڵاتی کورد) بۆ ئێمە گرنگە. هاوکات چالاکییەکانمان لە سووریا دژی داعش بەردەوام دەبێت.

 

وێنە گەورەکە: سەرۆکی ئەمریکا لە کۆشکی سپی لەبارەی دۆخی سووریا گوتارێکی پێشکەش کرد و ئاماژەی بە ڕووخانی دەسەڵاتی ئەسەد  و داهاتووی سووریا کرد.

 

لێدوانی فەرمی: جۆبایدن، سەرۆکی ئەمریکا لەبارەی گۆڕانکارییەکانی ڕۆژهەڵاتی ناوەڕاست و دۆخی ئێستای سووریا ڕایگەیاند:

 

- سەقامگیری باکووری ڕۆژهەڵاتی سووریا (ڕۆژئاوای کوردستان و ناوچەکانی ژێر دەسەڵاتی کورد)  بۆ ئێمە گرنگە و کار لەسەر خۆ بەڕێوەبەریی سووریا دەکەین.

 

- سووریا لە دەستی بەشار ئەسەد و ئەو کارەی کە خۆی و باوکی کردیان ڕزگارکراوە دەزانین ئەو ئێستا لە لە مۆسکۆیە.

 

- ڕژێمی ئەسەد بە شێوەیەکی دڕندانە هەزاران هاووڵاتی بێتاوانی  کوشت، ئەمەش ساتێکی مێژووییە و دەرفەتێکە بۆ گەلی سووریا بۆ بوونیادنانی ئاشتی.

 

- هێزەکانی ئۆپۆزیسیۆن پاڵیان بە ئەسەدەوە نا کە واز لە پۆستەکەی بهێنێت و وڵات جێبهێڵێت.

 

- لەگەڵ لایەنە پەیوەندیدارەکان لە سووریا کاردەکەین بۆ ئەوەی ئەم دەرفەتە بقۆزنەوە.

 

-  هەموو هەوڵەکانی ئێران و بریکارەکانی بۆ پاراستنی ئەسەد و ڕژێمەکەی شکستیان هێنا، ئەسەد خۆی لە پرۆسەیەکی سیاسی جددی بەدوور گرت و بەردەوام بوو لە ئەنجامدانی تاوان دژی گەلەکەی.

 

 

هاوکات، جۆ بایدن ڕاشیگەیاند: هێزەکانی ئەمەریکا لە کەمپی هۆل دەمێننەوە و چالاکییەکانمان لە دژی داعش بەردەوام دەبن، بۆ ئەوەی ڕێگری لە هەڵاتنی چەکدارە گیراوەکانی داعش بکەن و بواری دووبارە سەر هەڵدانەوەی ڕێکخراوەکە نەدەن.