چوارچێوەی هەماهەنگی لەبارەی دۆخی سووریا کۆدەبێتەوە

ئاڤا نیوز 

سەرکردەکانی چوارچێوەی هەماهەنگی لە بەغدا کۆبوونەوە و دوایین پێشهاتەکانی سووریا و وەبیرهێنانەوەی ساڵیادی شکاندنی داعش لە عێراق تاوتوێ کران.

 

وێنە گەورەکە: هێرشی چەکداریی ئۆپۆزیسیۆنی سووریا بۆ سەر سووپای ئەو وڵاتە و ڕووخاندنی دەسەڵاتی ئەسەد کاردانەوەی جیهانی بەدوای خۆیدا هێناوە لەمبارەیەوە، سەرکردەکانی چوارچێوەی هەماهەنگی لە نووسینگەی جێگری سەرۆکی پەرلەمان کۆبوونەوە.

 

چیرۆکە سەرەکییەکە: هاوپەیمانیی چوارچێوەی هەماهەنگی ڕۆژی 09-12-2024 لە نووسینگەی موحسن مەندەلاوی، جێگری سەرۆکی پەرلەمان بە ئامادەبوونی محەممەد شیاع سوودانی، سەرۆکوەزیرانی عێراق کۆبوونەوە و کۆمەڵێک پێشهاتی ناوچەکە و ڕۆڵی عێراق لە سەقامگیریی ناوچەکە تاوتوێ کران.

 

ڕاگەیێنراوی فەرمی: چوارچێوەی هەماهەنگی ڕایگەیاند: تەواوی پاڵپشتی خۆمان بۆ هەوڵە ئەمنی و دیپلۆماسییەکانی حکومەت دووپات دەکەینەوە. هاوکات باس لە ساڵیادی ڕووخاندنی ڕێکخراوی تیرۆریستی داعش کرایەوە و ڕۆڵی عێراق لەو بارەیەوە بەرز ڕاگیرا. 

 

ئەوەی پێویستە بیزانیت: ئەمە یەکەم کۆبوونەوەی چوارچێوەکەیە دوای ڕووخاندنی دەسەڵاتی بەشار ئەسەد لە سووریا.