کونسوڵخانەی بەحرەین لە هەرێمی کوردستان دەکرێتەوە

ئاڤا نیوز

 

سەرۆکوەزیران مەسرور بارزانی و شای بەحرەین لە کۆشکی سافریە لە مەنامە کۆبوونەوە و بڕیاردرا کونسوڵخانەی  بەحرەین لە هەرێمی کوردستان بکرێتەوە.

 

وێنە گەورەکە: لە چوارچێوەی سەردانەکەیدا بۆ بەحرەین، رۆژی سێشەممە 10-12-2024. سەرۆکوەزیران مەسرور بارزانی، لەگەڵ شا حەمەد بن عیسا ئال خەلیفە، شای بەحرەین کۆبووەوە و هەردوولا هاوڕابوون لەسەر گرنگیی پتەوکردنی پەیوەندییەکان.

 

ڕاگەیێنراوی فەرمی: شای بەحرەین ستایشی پێشکەوتن و ئاوەدانی، دۆخی ئارامی و پێکەوەژیانی هەرێمی کوردستانی بە ڕێبەرایەتیی ژیر و حەکیمانەی سەرۆک مەسعود بارزانی کرد و ئامادەیی شانشینی بەحرەینی بۆ پشتیووانیکردنی هەرێمی کوردستان لە هەموو بوارەکاندا دەربڕی، هاوکات سەرۆکوەزیران بارزانی سوپاس و پێزانینی هەرێمی کوردستانی بۆ پشتیووانی و هاوکاریی بەحرەین نیشاندا.

 

بۆچی گرنگە: هەردوولا هاوڕابوون و ڕێککەوتن لەسەر گرنگیی پتەوکردنی پەیوەندییەکان و کردنەوەی کونسوڵخانەی بەحرەین لە هەرێمی کوردستان، هاوکات دەستپێکردنەوەی گەشتی ڕاستەوخۆی مەنامە-هەولێر لە ئایندەدا.

 

 ئەمەش بزانە: دوایین گۆڕانکارییەکانی دۆخی گشتی سووریا و ناوچەکە، بەشێکی دیکەی کۆبوونەوەکە بوو کە میر ناسر بن حەمەد ئال خەلیفە، ڕاوێژکاری ئاسایشی نیشتمانیی و ژمارەیەک لە وەزیرەکانی بەحرەین ئامادەی بوون.