گەشتی ڕاستەوخۆی نێوان مەنامە-هەولێر دەستپێدەکاتەوە

ئاڤا نیوز

 

سەرۆکوەزیران مەسرور بارزانی و میر سەلمان بن حەمەد ئال خەلیفە، جێنشین و سەرۆک وەزیرانی بەحرەین کۆبووەوە و تاوتوێی دەستپێکردنەوەی گەشتی ڕاستەوخۆی نێوان مەنامە-هەولێر یان کرد.

وێنە گەورەکە: ئەمڕۆ سێشەممە 10ی کانوونی یەکەمی 2024، مەسرور بارزانی، سەرۆکی حکومەتی هەرێمی کوردستان، لە چوارچێوەی سەردانە فەرمییەکەی بۆ بەحرەین، لە شاری مەنامە، لەگەڵ میر سەلمان بن حەمەد ئال خەلیفە، جێنشین و سەرۆک وەزیرانی بەحرەین کۆبووەوە.

 

زانیاریی زیاتر: لە کۆبوونەوەکەیاندا باس لە کردنەوەی کونسوڵخانەی بەحرین لە هەولێر و دەستپێکردنەوەی گەشتە ڕاستەوخۆکانی نێوانیان کراوە.

 

لەلایەکی دیکەوە: جێنشین و سەرۆک وەزیرانی بەحرەین، خۆشحاڵيی خۆی بە سەردانی سەرۆکی حکومەت بۆ بەحرەین دەربڕی و ئامادەیي وڵاتەکەی بۆ بەهێزکردنی پەیوەندییەکان لە بوارە جۆراوجۆرەکاندا نیشان دا.

 

ئەوەی پێویستە بیزانیت: لەمیانەی کۆبوونەوەکەدا بیروڕا لەبارەی پڕۆژەی ڕێگەی گەشەپێدان و دوایین گۆڕانکارییەکانی دۆخی سووریا و ناوچەکە بە گشتیی ئاڵوگۆڕ کراون.