ساڵح موسلیم بۆ ئاڤا: دەمانەوێت لە چوارچێوەی سووریایەکی یەکگرتوو مافی کورد پارێزراو بێت

ئاڤا نیوز

 

کورد لە ڕۆژئاوای کوردستان خۆی بۆ قۆناغی دوای بەشار ئەسەد ئامادە دەکات و دەیەوێت پێکهێنەری سەرەکی حکومەتی نوێ بێت و لەوبارەیەوە پەیەدە دەڵێت: "ئامادەن بۆ گفتوگۆ لەگەڵ هەموو لایەنه سوورییەکان دانیشن".

چیرۆکی سەرەکی: دوای ڕووخانی دەسەڵاتی بەشار ئەسەد، سووریا دەچێتە قۆناغێکی نوێی پێکهاتن و بنیاتنانەوە بەمەبەستی دووبارە ڕێکخستنەوە و پێشخستنی دەوڵەت و داموودەزگاکانی، لە ئێستادا حکومەتی ڕاگوزەر پێکهێنراوە.

 

وێنە گەورەکە: لە 27ی مانگی 11 هێزەکانی ئۆپۆزیسۆنی سووریا لە ئیدلبەوە دەستیان بە هێرشێکی فراوان کرد  و توانیان تەنیا لە ماوەی 11 ڕۆژدا و لە بەرەبەیانی ڕۆژی 8-12-2024 کۆتاییان بە دەسەڵاتی 53 ساڵەی ئەسەد و بنەماڵەکەی هێنا.

لێدوانی فەرمی:  ساڵح موسلیم ئەندامی دەستەی سەرۆکایەتی پەیەدە سەبارەت بە پێکهێنانی حکومەتی داوای کەوتنی بەشار ئەسەد و سووریای نوێ، هەشت خاڵی خستەڕوو کە ئامانەن:

یەکەم: پێشووتر دەستمان لەگەڵ بەشار نەبووە بەڵکو ڕووبەڕووییان بووینەوە تا گەیشتیە کۆتایی خۆی و دەسەڵاتەکەی.

دووەم: لەناوبردنی بنەماڵەی حافز ئەسەد سەرکەوتنێکی گەورەیە بۆ گەلی سوریا بە هەموو پێکهاتەکانیەوە.

سێیەم:  ئامادەینە دیالۆگ لەگەڵ هەموو ئەو لایەنانە بکەین کە ددان بەبوونی خۆیاندا دەنێن.

چوارەم: بەمەرج لامەرکەزی قبووڵ دەکەن کە مافی هاووڵاتیبوون، و یەکسانی لە نێوان هەموو پێکهاتەکاندا بچەسپێنرێت.

پێنجەم: دەبێت دەستێوەردانی دەرەکی لە کاروباری سووریا کۆتای پێ بهێنرێت و هێرشەکانی تورکیاش ڕابگیرێن.

شەشەم: پێویسته جیهان و هەموو هێزەکانی بەشدار له سووریا چاوپۆشی لە مافەکانی ملیۆنان کوردی ڕۆژهەڵاتی سووریا نەکەن.

حەوتەم: ئێمە دەتوانین لە چوارچێوەی دەوڵەتی یەکگرتوودا بژین، هەرچەندە بیرۆکە و ئایدۆلۆژیامان جیاوازە.

هەشتەم: هەندێک لایەن کە حەزیان لە دیموکراسی نییە و دانیان پێدا نانێین.