گۆڤاری زە ئیکۆنۆمست: ئەگەری هەیە عێراقیش بکەوێتە نێو شەڕەوە

ئاڤا نیوز 

 

گۆڤاری زە ئیکۆنۆمست دەڵێت، ئەگەر عێراق گرووپە چەکدارەکان کۆنترۆڵ نەکات لە هێرشکردە سەر ئیسرائیل و بنکەکانی ئەمریکا، دەبێتە یەکێک لە بەرەکانی شەر و ئیسرائیل هێرشی دەکاتە سەر. 

 

چیرۆکی سەرەکی: لەگەڵ دەستپێکی هێرشی ئیسرائیل بۆسەر لوبنان، لە ماوەی ڕابردوو گرووپە چەکدارەکانی عێراق بە سەدان هێرشیان کردووەتە سەر خاکی ئیسرائیل. 

 

وێنە گەورەکە: گۆڤاری بەناوبانگی ئەمریکی زە ئیکۆنۆمستت ڕاپۆرتێکی لەسەر دۆخی عێراق و سووریا و ناوچەکە بڵاوکردوەتەوە و لە چەند سەرچاوەیەکەوە پشتڕاستی دەکاتەوە کە ئیسرائیل سوورە لەسەر بۆردوومانکردنی گرووپە چەکدارەکان لە ناو خاکی عێراق ئەگەر گرووپەکان بەردەوام بن لە هێرشکردنە سەر ئیسرائیل بە مووشەک و درۆنی ئێرانی.

 

بڵاوکراوەی فەرمی: ئیسرائیل دەڵێت، ئێران سەکۆی مووشەکی و کۆگای چەکی لە عێراقدا دروست کردووە ئەمەش مەترسی گەورەیە لەسەر بنکەکانی ئەمریکا و خاکی ئیسرائیل، دەبێت عێراق چەک لە دەستی گرووپە چەکدارەکان نەهێڵێت و بە تەواوەتی بنبڕی بکات کە گرووپەکان لە خاکی عێراقەوە هێرش بکەنە سەر ئیسرائیل.

 

لە بەشێکی دیکەی بابەتەکەدا هاتووە لە باشترین حاڵەتیشدا ئیسرائیل هەر هێرش دەکاتە سەر چەند ناوچەیەک کە کۆگای چەک و مووشەک و تەقەمەنیەکانە کە دژی ئیسرائیل بەکاردەهێنرێن.

 

لەلایەکی دیکەوە: باس لەوەشکراوە ئەمریکا بەوردی کار لەسەر ئەوەدەکات کە عێراق لە دەستی ئێران ڕزگار بکات و بەتەواوەتی دەستی ئەو وڵاتە لە عێراق نەمێنێت و بە تەواوەتی سەربەخۆبێت، ئەوە لەکاتێکدایە عێراقیەکان خۆیان دەیانەوەت هیچ هێزێکی دەرەکی بە ئێران و ئەمریکاشەوە لە وڵاتەکەیان نەمێنن.