پەیامێک لە مەسرور بارزانی بۆ یەکێتی ئافرەتانی کوردستان

ئاڤا نیوز 

 

بە بۆنەی 72مین ساڵیادی دامەزراندنی یەکێتی ئافرەتانی کوردستان، جێگری سەرۆکی پارتی پیرۆزبایی ئاراستەی سەرجەم ئافرەتانی کوردستان دەکات.

 

وێنە گەورەکە: ڕۆژی 11-12-2024، ساڵیادی دامەزراندنی یەکێتی ئافرەتانی کوردستانە، بەم بۆنەیەوە مەسرور بارزانی جێگری سەرۆکی پارتی پیرۆزبایی ئاراستەی سکرتێر و ئەندامانی سکرتارییەتی ئافرەتان و سەرجەم ئافرەتانی کوردستان دەکات.

 

پەیامەکەی مەسرور بازرانی: لەبارەی ساڵیادی دامەزراندنی یەکێتی ئافرەتانی کوردستان، لە پەیامەکەیدا دەڵێت.

 

- بە بۆنەی 72مین ساڵیادی دامەزراندنی یەکێتیی ئافرەتانی کوردستان، پیرۆزبایی لە  سکرتێر و ئەندامانی مەکتەبی سکرتاریەت و سەرجەم ئافرەتانی کوردستان دەکەم، ھیوای سەرکەوتن و پێشکەوتنی بەردەوامیان بۆ دەخوازم. 

 

- یەکێتیی ئافرەتانی کوردستان مێژوویەکی پڕ لە سەروەری و بەشدارییەکی دیار و كاریگەری لە شۆڕش و خەباتی ڕزگاریخوازی گەلی کوردستان دا هەبووە.

 

-یەکێتی ئافرەتانی کوردستان قوتابخانەیەک بووە بۆ پێگەیاندنی چەندین ئافرەتی بەتوانا و سەرکردە. 

 

- ئومێدەوارم لە درێژەدان بە تێکۆشان و کارکردنی ڕێکخراوەیی، لە پێناو داکۆکیکردن لە مافی ئافرەتانی کوردستان و ماف و دەستکەوتەکانی گەلی کوردستان بەردەوام و سەرکەوتوو بن.

ئەمەش دەقی پەیامەکەیە:

 

پەیامی مەسرور بارزانی جێگری سەرۆکی پارتی، لە ساڵیادی دامەزراندنی یەکێتیی ئافرەتانی کوردستان

بە بۆنەی ( 72 )مین ساڵیادی دامەزراندنی یەکێتیی ئافرەتانی کوردستان، پیرۆزبایی لە  سکرتێر و ئەندامانی مەکتەبی سکرتاریەت و گشت ئافرەتانی کوردستان دەکەم و ھیوای سەرکەوتن و پێشکەوتنی بەردەوامیان بۆ دەخوازم . 

 

یەکێتیی ئافرەتانی کوردستان، مێژوویەکی پڕ لە سەروەری و بەشدارییەکی دیار و كاریگەری لە شۆڕش و خەباتی ڕزگاریخوازی گەلی کوردستاندا هەبووە و قوتابخانەیەک بووە بۆ پێگەیاندنی چەندین ئافرەتی بەتوانا و سەرکردە. ئومێدەوارم لە درێژەدان بە تێکۆشان و کارکردنی ڕێکخراوەیی خۆیاندا لە پێناو داکۆکیکردن لە مافەکانی ئافرەتانی کوردستان و ماف و دەستکەوتەکانی گەلی کوردستان بەردەوام و سەرکەوتوو بن.

 

پیرۆز بێت ساڵیادی دامەزراندنی یەکێتیی ئافرەتانی کوردستان 

مەسرور بارزانی
جێگری سەرۆکی پارتی دیموکراتی کوردستان 
2024/12/11