لوبنانییەکانی ئاوارەی عێراق دەگەڕێنەوە وڵاتی خۆیان

ئاڤا نیوز

 

دوای ڕاگەیاندنی ئاگربەست و ڕاوەستانی شەڕی نێوان حیزبوڵڵای لوبنان و ئیسرائیل، هاووڵاتییانی لوبنانی ئاوارەی عێراق خۆیان لە وەزارەتی کۆچ و کۆچبەران تۆمارکردووە و چاوەڕێی گەڕانەوەن.

 

وێنە گەورەکە: دوای  لەشکرکێشی زەمینی سوپای ئیسرائیل بۆ سەرچەند ناوچەیەکی لوبنان، دەیان هەزار هاووڵاتیی لوبنانی ئاوارەی ناوخۆ و دەرەوەی وڵاتەکەیان بوون، عێراق یەکێک بوو لەو وڵاتانەی لوبنانییەکان هانایان بۆ هێنا. کە بەگوێرەی بەپێی ئاماری وەزارەتی کۆچ و کۆچبەرانی عێراق 22500 هەزار لوبنانی لەماوەی سێ مانگدا هاتنە عێراق.

 

ئەوەی پێوسیتە بیزانیت: ئێستا کە ئەو هاووڵاتییە لوبنانیانە دەیانەوێت بگەڕێنەوە، گرفتێک هاتووەتە پێشەوە: بەهۆی مەترسی و ئاڵۆزییەکانی سوریا ڕێگا ووشکانییەکان داخراون، بەڵام وەزارەتی کۆچ و کۆچبەرانی عێراق لەڕێگەی فرۆکەخانەکانەوە تێچووی گەڕانەوەی خێزانە لوبنانییەکانی لەئەستۆ گرتوە.

لێدوانی فەرمی: لەبارەی ئەو کەسانەی پێشتر گەڕاونەتەوە و ئەوانەشی چاوەڕێی گەڕانەوەن، عەلی جیهانگیر، گوتەبێژی وەزارەتی کۆچ و کۆچبەرانی عێراق دەڵێت، ئەوانەی گەڕێندراونەتەوە دوو کاروان بوون هەر کاروانێک 150 کەسی لەخۆگرتبوو، ئاوارەی دیکەش هەن لەسەر حیسابی خۆیان لە ڕێگای گەشتە فرۆکەوانییەکانی دیکەوە گەڕاوەتەوە.

 

گۆشەیەکی دیکەی دیمەنەکە: بەدەر لە پێشوازی کردنیان حکومەتی عێراق بڕیاریداوە بڕی 1٪ لە مووچەی فەرمانبەرانی ببڕێت، وەکو هاوکاریی پێشکەش بە هەردوو گەلی لوبنان فەڵەستینی بکات.

 

مەترسییە پێشبینی کراوەکان: ئاڵۆزییەکانی سوریا ڕێگای گەڕانەوەی ئاوارەکانی لوبنانیش قورسترکردوە، چونکە ڕێگای ووشکانی نێوان عێراق - سوریا  داخراوە، ئێستا تەنها گەشتە ئاسمانییەکان بەردەستن، ئەمش ئەمەش وا دەکات گەڕانەوەی ئاوارە لوبنانییەکان کاتێکی زیاتری پێوسیت بێت.