وەزارەتی دارایی لەبارەی خانەنشینی نووسراوێک ئاراستەی وەزارەتەکان دەکات

ئاڤا نیوز 

وەزارەتی دارایی و ئابووری حکومەتی هەرێمی کوردستان، داوا لەسەرجەم وەزارەتەکان دەکات، ناوی ئەو فەرمانبەرانە کە کۆتایی ئەمساڵ تەمەنیان دەبێتە 60 ساڵ، ڕەوانەی وەزارەتی دارایی بکەن، ئەم داواکارییەش بەمەستی خانەنشین کردنیانە.

 

وێنە گەورەکە: بڕیارە تەمەنی خانەنشین کردنی فەرمانبەرانی هەرێمی کوردستان هاوکاتی عێراق بکرێت، بۆ ئەم مەبەستە هەنگاوی پێویست نراوە لەلایەن وەزارەتی دارایی حکومەتی هەرێمی کوردستان.

 

ڕاگەیێنراوی فەرمی: وەزارەتی دارایی و ئابووریی حکومەتی هەرێمی کوردستان گشتاندنێک لەبارەی بەشێک لە فەرمانبەرانی ڕاژەی شارستانیی و سەربازی ئاراستەی سەرجەم وەزارەت و فەرمانگەکان دەکات.

 

 زانیاریی زیاتر: لە گشتاندنەکەی وەزارەتی دارایی ئاماژە بەوەکراوە، سەبارەت بەو فەرمانبەرانەی لە یاسای ڕاژەی (شارستانیی و سەربازی)ین و تاوەکوو رێكەوتی 31/12/2025، ماوەی تەمەنی یاساییان دەبێتە 60 ساڵ لەسەر میلاكتان بۆمان ڕەوانە بكەن، دەبێت لە ماوەی 15 ڕۆژ لە دوای دەرچوونی ئەم گشتاندنە ناوەکان ئاراستەی وەزارەتی دارایی بکرێن بەبێ دواکەوتن.

 

بۆچی گرنگە: بە پێی دواین بڕیاری حکومەتی عێراق فەرمانبەرانی تەمەن 60 ساڵ هاوشێوەی عێراق خانەنشین دەکرێن، کەچی لە یاسای خانەنشینی هەرێمی کوردستان فەرمانبەر لە تەمەنی 63 ساڵی خانەنشین دەبێت. ئێستاش حکومەتی عێراق دەیەوێت تەمەنی خانەنشینی وەک عێراق لێبکرێت، بۆ ئەم مەبەستە هەنگاوی پێویست نراوە لەلایەن وەزارەتی دارایی حکومەتی هەرێمی کوردستان.