هۆكاری دواكەوتنی دابەشكردنی زەوی لە سنووری سلێمانی ئاشكرا دەكرێ

ئاڤا نیوز

 

سەرۆكایەتیی شارەوانیی سلێمانی لە ڕاگەیێنراوێكدا، هۆكاری دواكەوتنی دابەشكردنی زەوی بەسەر فەرمانبەران لە سنووری سلێمانی ئاشكرا دەكات.

 

ڕاگەیێنراوی فەرمی: بەپێی ڕاگەیێنراوێكی سەرۆكایەتیی شارەوانیی سلێمانی، لە سنووری پارێزگاكە كێشە و گرفت لەبەردەم پرسی دابەشكردنی زەوی بەسەر فەرمانبەراندا هەیە و بەمەبەستی چارەسەركردنی گرفتەكان سەرۆكی شارەوانیی سلێمانی لەگەڵ لیژنەی دابەشكردنی زەوی كۆبووەتەوە.

 

هۆكارە زانراوەكان: بەپێی ناوەڕۆكی ڕاگەیێنراوەكەی سەرۆكایەتیی شارەوانیی سلێمانی هۆكاری دواكەوتنی دابەشكردنی زەوی لە سلێمانی دەگەڕێتەوە بۆ زۆریی داواکاریی فەرمانگەکانی دەرەوەی وەزارەتی شارەوانی لە سنووری شارەوانیی سلێمانی کە تائێستا ناویان نەگەڕاوەتەوە، پێویستە بەپێی ڕێنمایی 2ی 2024 ناوەکانیان لە لایەن لیژنەی باڵا و ئەنجوومەنی وەزیران بگەڕێتەوە و هەر فەرمانگەیەک لەڕێی خۆیەوە پێویستە ڕێکكارەکان تەواو بکات دواتر نووسراو ئاڕاستەی تەرخانکردنی زەوی بکات بۆ ئەو کەسانەی کە شایستەن بە پێی ڕێنماییەکان.

 

لەلایەكی دیكەوە: سەرۆكایەتیی شارەوانیی سلێمانی ڕاشیگەیاندووە كە هەرکات ڕێکكارەکان تەواوبوون، دەست دەكات بە ئەنجامدانی کاری یاسایی تا بەزووترین کات زەوی بەسەر فەرمانبەرانی سنوورەكە دابەش بکرێت.