سەرۆکی کۆمیسیۆنی ئەوروپا سەردانی ئەنقەرە دەکات

ئاڤا نیوز 

 

بڕیارە هەفتەی داهاتوو سەرۆکی کۆمیسیۆنی ئەوروپا سەردانی ئەنقەرە بکات و لەگەڵ سەرۆککۆماری تورکیا کۆببێتەوە و دۆخی سووریا تاوتوێ بکەن.

 

ڕاگەیێنراوی فەرمی: ڤۆن دێر لاین،  سەرۆکی کۆمیسیۆنی ئەوروپا دوای ئەنجامدانی پەیوەندییەکی تەلەفۆنی لەگەڵ ڕەجەب تەیب ئەردۆغان، سەرۆککۆماری تورکیا لە ئێکس ڕایگەیاند: سەرەتای هەفتەی داهاتوو لە تورکیا  کۆدەبینەوە و تاوتوێی ئەوە دەکەین کە ئەم گەشەسەندنە بۆ ناوچەکە و دەرەوەی چی دەگەیێنێت.

 

-ڤۆن دێر لاین جەختی لە گرنگی پاراستنی یەکپارچەیی خاکی سووریا و پاراستنی کەمینەکان کردەوە.

 

لەلایەکی دیکەوە: ئەردۆغان پەیوەندییەکی تەلەفۆنی لەگەڵ ئۆلاف شۆڵز، ڕاوێژکاری ئەڵمانیا کردووە، هەردوولا جەختییان کردەوە لەوەی ڕووخانی ئەسەد پێشهاتێکی ئەرێنی بوو بۆ ناوچەکە و جەختیان کردەوە کە پێویستە سووریا ببێتە ماڵێکی ئارام و سەقامگیر بۆ سوورییەکان.