سەرۆك بارزانی پشتیوانیی خۆی بۆ یەكێتیی ئافرەتانی كوردستان دووپات دەكاتەوە

ئاڤا نیوز

 

سەرۆك بارزانی لەگەڵ سكرتاریەتی یەكێتیی ئافرەتانی كوردستان كۆدەبێتەوە و پشتیوانیی خۆی بۆ ڕێكخراوەكە دووپات دەكاتەوە.

 

ڕاگەیێنراوی فەرمی: بەپێی ڕاگەیێنراوێكی بارەگای بارزانی، لە دیدارەکەیدا لەگەڵ سكرتارییەتی یەكێتیی ئافرەتان، سەرۆک بارزانی پیرۆزبایی 72مین ساڵیادی دامەزراندنی لە ڕێکخراوی یەکێتیی ئافرەتانی کوردستان کرد و باسی ڕۆڵی ئافرەتانی لە شۆرشی ئەیلوول و شۆڕشەکانی دیکەی کوردستان و سەرخستنی شۆڕشەکاندا کرد و دەستخۆشی لە ستافی نوێی سکرتاریەتیی یەکێتیی ئافرەتانی کوردستان کرد و هیوای سەرکەوتنی بۆ خواستن.

 

هەر لە دیدارەکەدا سەرۆک بارزانی پشتیوانی خۆی بۆ کارو چالاکییەکانی ڕێکخراوەکە دووپاتکردەوە، لای خۆیەوە سکرتاریەتیی یەکێتیی ئافرەتان سوپاسی سەرۆک بارزانی و ئەو متمانەیەیان کرد کە پێیان دراوە و، بەڵێنی کار و هەنگاوی باشتریان دا لە پێناو خزمەتکردنی کوردستاندا.