داوا دەکرێت زەوی بەسەر ڕۆژنامەنووسانیش دابەش بکرێت

ئاڤا نیوز

 

سەندیکای ڕۆژنامەنووسانی کوردستان بە نووسراوی فەرمی داوای لە ئەنجوومەنی وەزیران کردووە، دابەشکردنی زەوی ڕۆژنامەنووسانی شایستەش بگرێتەوە.

 

وێنە گەورەکە: لە هەرێمی کوردستان دەیان دەزگای میدیایی بینراو و بیستراو هەن کە ساڵانێکی زۆرە ڕۆژنامەنووسان کاری تێدا دەکەن بووەتە پیشەی سەرەکییان و چەندین ساڵ خزمەتیان هەیە و داوا دەکرێت پاداشتی ساڵانی خزمەتیان بۆ هەژمار بکرێت.

 

لێدوانی فەرمی: ئازاد حەمەدەمین، نەقیبی سەندیکای ڕۆژنامەنووسانی کوردستان ڕایگەیاند، نووسراومان کردووە بۆ ئەنجوومەنی وەزیران بۆ ئەوەی ڕۆژنامەنووسانیش زەوییان پێبدرێت.

 

زانیاریی زیاتر: ئەگەر هاتوو ڕەزامەندی بۆ ئەو بڕیارە وەرگیرا، زیاتر لە سێ هەزار ڕۆژنامەنووس مافی وەرگرتنی زەوییان دەبێت لە شوێنی نیشتەجێبوونیان.