سەرپێچی ئۆتۆمبێلەکانی هەرێمی کوردستان لە تەواوی عێراق تۆمار دەکرێن

ئاڤا نیوز

 

بەڕێوەبەرایەتی گشتیی هاتووچۆی عێراق دووپاتی دەكاتەوە، ئێستا ژمارەی ئۆتۆمبێلەكانی هەرێمی كوردستان لە سەرجەم شارەكانی دیكەی عێراق خراونەتە نێو سیستمی هاوبەش و هەرجۆرە سەرپێچیێكی ئەو ئۆتۆمبێلانە، لە هەموو ناوچەكانی عێراق تۆمار دەكرێت.

 

وێنە گەورەكە: هەردوو بەڕێوەبەرایەتیی گشتی هاتووچۆی هەرێمی كوردستان و عێراق سەرقاڵی یەكخستنی سیستمی هاتووچۆن بۆ تۆماركردنی ساڵانە ئۆتۆمبێل و سەرپێچییەكان و پەیڕەوكردنی سیستمی یەكگرتووی تابلۆی ئۆتۆمبێل، چەندین هەنگاوی كردەیی نراوە.

 

لێدوانی فەرمی: عەقیدی مافپەروەر حەیدەر وائیلی، بەرپرسی ڕاگەیاندن و پەیوەندییەكانی بەڕێوەبەرایەتی گشتیی هاتووچۆی عێراق، بە میدیا عێراقییەكانی ڕاگەیاندووە، ئەو ئۆتۆمبێلانە كە ژمارەی تابلۆكانیان هی پارێزگاكانی هەولێر و سلێمانی و دهۆكە، پێشتر لەنێو سیستمی ئەلیكترۆنی هاتووچۆی پارێزگاكانی دیكەی عێراق نەبوون، لەمەودوا هەموو جۆرە سەرپێچییەك تۆماردەكرێت، هاوشێوەی ژمارەی تابلۆی پارێزگاكانی دیكەی عێراق.

 

ئەوەی پێویستە بیزانیت: پێشتر سیستمی پاكانە وەك سیستمێكی هاوبەشی نێوان هاتووچۆی هەرێمی كوردستان و عێراق پەیڕەو دەكرا، بەجۆرێك كە هیچ جۆرە مامەڵەیێكی ئەو ئۆتۆمبێلانە لە دامودەزگاكان ڕایی نەدەكرا تا پاكانە بۆ ئۆتۆمبێلەكە نەكرابووایە، بە پەیڕەوكردنی سیستمی نوێی هاوبەش هەموو عێراق بە دیجیتاڵی دەكرێت و مامەڵەی تابلۆی ئۆتۆمبێل هاوتا دەكرێت.