بۆ دووەمین جار کوردێک بە باڵیۆزی ئاشتی هەڵدەبژێردرێت

ئاڤا نیوز

 

کوردێکی باشووری کوردستان بۆ دووەمین جار لەسەر ئاستی ڕۆژهەڵاتی ناوەڕاست بە باڵیۆزی ئاشتی هەڵبژێردرا.

 

وێنە گەورەکە: ڕۆژی 1-12-2024، ناوەندی ئاشتی جیهانی لە قاهیرەی پایتەختی میسر، بە بەشداری 500 ئەندامی وڵاتانی عەرەبی کۆنگرەی ئاشتی جیهانی ئەنجامدا، لە کۆنگرەکەدا کوردێک لەسەر ئاستی ڕۆژهەڵاتی ناوەڕاست بە باڵیۆزی ئاشتی هەڵبژێردرا.

 

لێدوانی فەرمی: عادل مەلا ساڵح، باڵیۆزی ئاشتی جیهانی، بە ئاڤا نیوزی ڕاگەیاند: لەنێو 500 ئەندامی هەر 22 وڵاتە عەرەبییەکە بە باڵیۆزی ئاشتی جیهانی هەڵبژێردرام، ئەمە جێی خۆشحاڵییە بۆ من و دەستکەوتێکە بۆ هەموو کورد لە هەر چوار پارچەکەی کوردستان.

 

باڵیۆزی ئاشتی جیهانی، گوتیشی: لە کۆنگرەکەدا وتارێکم لەسەر جینۆسایدی کورد و ئەنفال و وێرانکردنی گوندەکانی کوردستان، لەسەر دەستی ڕژێمی پێشووی عێراق پێشکەش کرد و نەهامەتییەکانی کوردم بۆ باسکردن.

 

زانیاریی زیاتر: ساڵی 2017، بۆ یەکەمین جار عادل مەلا ساڵح بە باڵیۆزی ئاشتی لەسەر ڕۆژهەڵاتی ناوەڕاست هەڵبژێردرا، بۆ ساڵی 2025 جارێکی دیکە هەڵبژێردرایەوە.

 

ئەوەی پێویستە بیزانیت: عادل مەلا ساڵح لە ساڵی 1978 لە گوندێکی سەر بە قەزای کەلار لەدایکبووە، خێزاندارە و باوکی دوو منداڵە، هەروەها خاوەنی ڕێکخراوی خزمەتی جەماوەرە کە لە بواری مرۆیی و ئاشتی کار دەکات.

 

ئەمەش بزانە: کۆنگرەی ئاشتی جیهانیی، کۆنگرەیەکی ساڵانەیە و لە قاهیرەی پایتەختی میسر بەڕێوەدەچێت.