ئاسایشی سلێمانی دوو تۆمەتبار دەستگیر دەکات

ئاڤا نیوز

 

بەڕێوەبەرایەتیی ئاسایشی پارێزگای سلێمانی، بکوژی ئەو هاوڵاتییەی دەستگیرکرد کە لەئۆتۆمبێلەکەی خۆیدا بەکوژراوی دۆزرایەوە.

 

چیرۆکی سەرەکی: ڕۆژی 11-12-2024، تەرمی هاوڵاتییەک بەناوی ئومێد عەلی مستەفا لە ناو ئوتۆمبێلەکەی خۆیدا لەسەر ڕێگەی عەربەت-سلێمانی دۆزرایەوە، لەسەر ئەم ڕووداوە دەستبەجێ لێکۆڵینەوە و بەدواداچوونەکان لەلایەن بەڕێوەبەرایەتیی ئاسایشی پارێزگای سلێمانی دەستیپێکرد.

 

ڕاگەیێنراوی فەرمی: بەڕێوەبەرایەتیی ئاسایشی پارێزگای سلێمانی ڕایگەیاند: دوای لێکۆلینەوە و گەڕان توانرا شوێنی تۆمەتباران دەستنیشان بکرێت، لەماوەی کەمتر لە 48 کاتژمێر هەردوو تۆمەتبار بەناوەکانی (ی، ک، ن) تەمەن 22 ساڵ و هاوکاری بکوژ بەناوی (ز، ج، ح) تەمەن 31 ساڵ لە سلێمانی دەستگیر بکەین.

 

زانیاریی زیاتر: دوای ئەنجامدانی لێکۆڵینەوەکان تۆمەتباران دانییان بە تاوانەکەیان دانا و دەرکەوت تۆمەتباری سەرەکی بەچەکی جۆری دەمانچە بە چوار فیشەک لە نزیک گوندی گڵەزەردە هاوڵاتییەکە دەکوژێت و دواتر تەرمەکە دەکاتە ناو سندوقی ئۆتۆمبێلەکە و لەسەر ڕێگەی سلێمانی-عەربەت ئۆتۆمبێلەکە جێدەهێڵن و هەڵدێن.

 

بۆچی گرنگە: دەستگرکردنی تاوانباران لەلایەن هێزە ئەمنییەکانەوە ڕێگر دەبێت لەبەردەم ئەنجامدانی تاوان بە گشتیی و خەڵک متمانەی  زیاتر بە هێزە ئەمنییەکان دەبێت.