پۆندێكی دیكە لە هەولێر بە گوژمەی ملیارێك و 500 ملیۆن دینار دروست دەكرێت

ئاڤا نیوز

 

زانكۆی نێودەوڵەتیی بەریتانی، پۆندێك بە گوژمەی ملیارێك و 500 ملیۆن دینار دروست دەكات و دەبێتە یەكێك لە پۆندە سەرنجڕاكێشەكانی هەرێمی كوردستان.

 

بۆچی گرنگە: دروستكردنی پۆند لە هەر ناوچەیەك چەند سوود و گرنگییەكی هەیە، دەبێتە هۆی زیادكردنی ئاوی ژێرزەویی و ئاوی گلدراوە بۆ مەبەستی ئاودێریی و لە پڕۆژەی دابینكردنی ئاوی خواردنەوە بەكاردێت، هاوكات مەترسییەكانی لافاو لەسەر ناوچەكە كەمدەكاتەوە، ئەمە جگە لەوەی ناوچەكە دەبێتە شوێنێكی گەشتیاریی سەرنجڕاكێش و سوودیشی بۆ ژینگە دەبێت.

زانیاریی بەدەستهاتوو: پۆندەکە لەلایەن سەرۆكوەزیران مەسرور بارزانی لە ماوەی ڕابردوودا بەردی بناغەی دانرا، جۆرەكەی خاکییە و لە سەر بودجەی پارێزگای هەولێر لەلایەن بەڕێوەبەرایەتیی ئاودێریی دیراسەت و دیزاین کراوە و لەسەر ئەستۆی زانکۆی نێودەوڵەتی بەریتانی لە هەولێر بە گوژمەی ملیارێك و 500 ملیۆن دینار دروست دەکرێت.

 

زانیاریی زیاتر: بەرزیی پۆندەکە 17 مەترە و درێژی پۆندەکە 520 مەتر و توانای گلدانەوەی 800 هەزار مەتر سێجا ئاوی هەیە.