لە ڕۆژئاوای كوردستان گردبوونەوەی بێ مۆڵەت و هەڵگرتنی چەك قەدەغە دەکرێت

ئاڤا نیوز

 

لە ڕۆژئاوای كوردستان هێزە ئەمنییەكانی ئیدارەی خۆسەر هەڵگرتنی چەك و تەقەی هەڕەمەكی لە شوێنە گشتیی و تایبەتەكان و هەموو جۆرە گردبوونەوەیەكی بێ مۆڵەت قەدەغە دەکات.

 

وێنە گەورەكە: ئێوارەی ڕۆژی پێنجشەممە 12-12-2024 لە خۆپیشاندانەكانی شاری ڕەققە، چەند کەسێک بە مەرامی ئاژاوەنانەوە بەشێوەی هەڕەمەکی تەقەیان کرد، بەهۆیەوە 43 كارمەندی ئاسایش و خەڵكی سڤیل برینداربوون.

 

ڕاگەیێنراوی فەرمی: بەپێی ڕاگەیێنراوێكی ئاسایشی ئیدارەی خۆسەر كە وێنەیەكی دەست ئاڤا میدیا كەوتووە، هەموو جۆرە گردبوونەوەیەكی بێ مۆڵەت قەدەغە دەكات، هاوکات چەكهەڵگرتن و بەكارهێنانی لە شوێنە گشتی و تایبەتەكانیش قەدەغە دەکات.

 

زانیاریی زیاتر: ئاسایشی خۆسەر هاندانی خەڵک بۆ خۆپیشاندان بەئامانجی تێكدانی سەقامگیری و دروستكردنی دڵەڕاوكێ لە ناخی هاووڵاتیان قەدەغە دەكات، دووپاتی كردووەتەوە سەرپێچیكردنی ئەو بڕیارانە لایەنی كەمتەرخەم دووچاری لێپرسینەوەی یاسایی دەكات.