وەزیری دەرەوەی ئەمریکا: پابەندین بە پاراستنی ئاسایش و سەقامگیری عێراق

ئاڤا نیوز

 

ئەنتۆنی بلینکن، بە سەردانێکی ڕانەگەیێندراو گەیشتە بەغدا و چاوی بە محەممەد شیاع سوودانی، سەرۆکوەزیرانی عێراق کەوت بە مەبەستی گفتوگۆکردن لەسەر دۆخی سوویا.

 

وێنە گەورەکە: ئاڵۆزییەکانی سووریا و کۆتایهێنانن بە دەسەڵاتی بەشار ئەسەد، ئەمریکای سەرقاڵکردووە و وەزیری دەرەوەی ئەو وڵاتەش گەڕێکی سەردانی دەستپێکردووە لە ئوردن و تورکیاوە دواتر سەردانی بەغدای کرد.

 

ڕاگەیێنراوی فەرمی: ئەنتۆنی بلینکن، وەزیری دەرەوەی ئەمریکا، جەخت لەسەر پابەندبوونی ئەمریکا بە هاوبەشی ستراتیژی ئەمریکا و عێراق و ئاسایش و سەقامگیری و سەروەری عێراق دەکاتەوە، هەروەها باس لە دەرفەت و ئاڵنگاریی ئەمنی ناوچەکە دەکات، باس لەوەشکراوە واشنتۆن پابەندە بە ڕێگری لە سەرهەڵدانەوە داعش بۆ ئەو مەبەستەش پەیوەندی بەردەوام هەیە لەگەڵ عێراق لەبارەی پاراستی ئاسایشی ناوچەکە.

 

لەلایەکی دیکەوە: ئەنجوومەنی وەزیرانی عێراق ڕایگەیاند: سوودانی لە کۆبوونەوەکەی لەگەڵ بلینکن هەڵوێستی عێراق لەبارەی پشتیووانیکردنی سووریا لەم قۆناغە بە گرنگ زانیوە و ڕاشیگەیاندووە دەستدرێژینەکردنە سەر خاکی سووریا کاریگەریی لەسەر ئاسایش و سەقامگیریی ناوچەکە دەبێت.

 

ئەوەی پێویستە بیزانیت: بڕیارە ڕۆژی شەممە، لە عەممانی پایتەختی ئوردن کۆبوونەوەیەکی باڵای بەرپرس و نوێنەرانی وڵاتانی هەرێمایەتی بە ئامادەبوونی عێراق بەڕیوەبچێت کە تایبەتە بە دۆخی سووریا.