دۆناڵد ترەمپ: مێلانیای هاوژینم لەگەڵم دێتە کۆشکی سپی

ئاڤا نیوز

 

دۆناڵد ترەمپ، سەرۆکی هەڵبژێردراوی ئەمریکا وەڵامی هەموو ئەو دەنگۆیانە دەداتەوە کە بانگەشەی ئەوە دەکەن مێلانیای هاوژینی ناچێتە کۆشکی سپی، ترەمپ لەوبارەیەوە دەڵێت: "بێگومان دێت".

 

چیرۆکی سەرەکی: لە خولی یەکەمی سەرۆکایەتییەکەی و لەم خولەشدا بەشێک لە میدیاکانی ئەمریکا ئەوەیان بڵاوکردەوە کە مێلانیای هاوژینی ترەمپ لە نیویۆرک دەمێنێتەوە و ناچێتە کۆشکی سپی، ئەوەش بەهۆی بارۆنی کوڕیانەوە کە لە نیویۆرک دەخوێنێت.

 

لێدوانی فەرمی: لە چاوپێکەوتنێکیدا کە لەگەڵ گۆڤاری تایمی ئەمریکی ئەنجامی دابوو، لە وەڵامی ئەو پرسیارەی ئایا مێلانیا لەگەڵیدا دەچێتە کۆشکی سپی، ترەمپ گوتی: بەڵێ، بێگومان دێت. 

 

ئەمەش بزانە: لە چاوپێکەوتنەکەدا دۆناڵد ترەمپ زیاتر لە جارێک باسی مێلانیای هاوژینی کردووە و دەڵێت: پاڵپشتیکارانی درووشمی "دووبارە ئەمریکا مەزن بکەنەوە"، مێلانیایان خۆشدەوێت.

 

زانیاریی زیاتر: مانگی ڕابردوو مێلانیا ترەمپ، هاوژینی سەرۆکی هەڵبژێردراوی ئەمریکا، هایلی هاریسنی وەکو بەڕێوەبەری فەرمانبەرەکانی لە کۆشکی سپی دەستنیشان کرد. ئەمەش ئاماژەیە بۆ چوونی مێلانیا بۆ ئەوێ. هاریسن لەگەڵ ئیدارەی ترەمپ کاری کردووە لە ویلایەتی یەکەمی و لە دوای سەرۆکایەتیش لەگەڵ خێزانەکە ماوەتەوە لە فلۆریدا.