بەشێکی شەقامی 120 مەتریی هەولێر نۆژەن دەکرێتەوە

ئاڤا نیوز

 

بەشێکی شەقامی 120 مەتریی هەولێر نۆژەن دەکرێتەوە و شارەوانی هەولێریش گوژمەی تەرخانکراو ئاشکرا دەکات.

 

وێنە گەورەکە: دوای چەند ساڵێک لە کرانەوەی شەقامی 120 بەڕووی شۆفێراندا، بۆ یەکەمجار بەشێکی شەقامەکە نۆژەن دەکرێتەوە و سەرۆکایەتیی شارەوانی هەولێر تێچووەکەی دابین دەکات.

 

لێدوانی فەرمی: کارزان هادی، سەرۆکی شاروانی هەولێر بە ئاڤا نیوزی ڕاگەیاند:  لە شەقامی مووسڵەوە تاوەکو شەقامی پیرمام، دەستمان بە نۆژەنکردنەوەی شەقامی 120 مەتری کردووە و زیاتر لە 400 ملیۆن دیناریشی بۆ تەرخانکراوە.

 

ئەوەی پێویستە بیزانیت: شەقامی 120 مەتریی هەولێر بە یەکێک لە دیارترین شەقامەکانی عێراق و هەرێمی کوردستان دادەنرێت، کاریگەرییەکی بەرچاوی لە کەمکردنەوەی قەرەباڵغی لەنێو شاری هەولێر هەیە.