هەوڵی بە هەمیشەیی کردنی فەرمانبەرانی گرێبەستی وەزارەتی کارەبا دەدرێت

ئاڤا نیوز

 

وەزارەتی کارەبای حکومەتی هەرێمی کوردستان ناوی فەرمانبەرانی گرێبەستی داهاتی ئاراستەی ئەنجوومەنی وەزیران کردووە بۆ ئەوەی بکرێن بە فەرمانبەری هەمیشەیی.

 

چیرۆکی سەرەکی: لە ماوەی ڕابردوو لەسەر ڕاسپاردەی سەرۆکوەزیران مەسرور بارزانی بڕیاری دامەزراندنی ژمارەیەک مامۆستا لە وەزارەتی پەروەردە و خوێندنی باڵا بە شێوەی گرێبەست دەرچوو، لە کۆبوونەوەی ئەنجوومەنی وەزیرانیش بڕیاری بەهەمیشەییکردنی فەرمانبەرانی گرێبەست پەسەند کرا، بەڵام بڕیارەکە هەڵگرانی بڕوانامە باڵاکان و ئەوانەی کە یاسای پلەبەندیی خاوەن پیشەی تەندروستی و پزیشکین دەگرێتەوە، هاوکات وەزارەتی کارەباش داوا دەکات فەرمانبەرانی گرێبەستی داهاتیش لە وەزارەتەکەی بکرێنە هەمیشەیی.

 

لێدوانی فەرمی: ئومێد ئەحمەد، وتەبێژی وەزارەتی کارەبای هەرێمی کوردستان بە ئاڤا نیوزی ڕاگەیاند: لەگەڵ وەزارەتی دارایی لە هەوڵداین فەرمانبەرانی گرێبەستەکانی داهاتیش بە هەمیشەیی بکرێن، داواکاریمان ئاراستەی ئەنجوومەنی وەزیران کردووە، چاوەڕێی وەڵامین، پێشبینی دەکەین هەفتەی داهاتوو لەلایەن ئەنجوومەنی وەزیرانەوە وەڵاممان بدرێتەوە.

 

ئەوەی پێویستە بیزانیت: کۆی گشتیی فەرمانبەرانی وەزارەتی کارەبا 14 هەزار فەرمانبەر دەبێت، لەو ژمارەیە نزیکەی 1000 فەرمانبەری گرێبەست لەسەر داهاتی وەزارەتەکەن.