ئاسایشی هەولێر دوو تۆمەتبار دەستگیر دەکات

ئاڤا نیوز

 

دوو تۆمەتبار لەلایەن هێزەکانی ئاسایشی هەولێر دەستگیرکراون، کە لە ماوەی ڕابردوو لە تۆرەکۆمەڵایەتییەکان نمایشی تەقەکردنییان کردووە.

 

چیرۆکی سەرەکی: لە ماوەی ڕابردوو دوو هاووڵاتی چەکی بێ مۆڵەتییان هەڵگرتووە و نمایشیان بە تەقەکردن کردووە و لە تۆرە کۆمەڵایەتییەکان بڵاویان کردووەتەوە، یەکێک لە تۆمەتبارەکەش هەڵساوە بە ئازاردانی کەسێکی خاوەنپێداویستی تایبەت و گرتەڤیدیۆی کاتی ئازاردانی تۆمار کردووە، لەلایەن ئاسایشی هەولێر دەستگیرکراون.

 

ڕاگەیێنراوی فەرمی: بەڕێوەبەرایەتیی ئاسایشی هەولێر ڕایگەیاند، دوو تۆمەتبارمان دەستگیر بەناوەکانی (ک ، ح ، م) و ( ح ، ع ، أ) کردووە کە هەڵساون بە هەڵگرتنی چەکی بێ مۆڵەت و تەقەکردن و بڵاوکردنەوەی لە تۆڕەکۆمەڵایەتییەکان، هەروەها یەکێک لەو تۆمەتبارانە بەکارهێنەری ماددەی هۆشبەرە و لەژێر کاریگەریی بەکارهێنانی ئەوو مادەیەدا هەڵساوە بە ئازاردانی کەسێکی خاوەنپێداویستی تایبەت و گرتە ڤیدیۆی کاتی ئازاردانی تۆمار کردووە، چەند تاوانێکی دزیکردنیشی ئەنجامداوە.

 

بەڕێوەبەرایەتیی ئاسایشی هەولێر دەڵێت، هەرکەسێک چەکی بێ مۆڵەت هەڵگرێت و خۆی نمایش بکات لە تۆڕەکۆمەڵایەتییەکان لە لایەن هێزەکانمانەوە دەستگیر دەکریت.

 

بۆچی گرنگە: دەستگیرکردنی تۆمەتباران لەلایەن هێزە ئەمنیەکانەوە دەبێتە چەسپاندنی ئارامی و ئاسایش لە شاری هەولێر و پاراستنی خەڵک و خاکی هەرێمی کوردستان.