مەزڵووم عەبدی: یەکێتی نەتەوەیی کورد لە سووریا بووەتە پێویستییەکی مێژوویی

ئاڤا نیوز 

 

فەرماندەی گشتی هێزەکانی سوریای دیموکرات (هەسەدە) سەبارەت بە دۆخی ئێستای سووریا و گۆڕانکارییەکانی ئەو وڵاتە چەند پەیامێکی بڵاوکردەوەو دەڵێت: تکایە لە بەرژەوەندیی حزبی دوور بکەونەوە و وەڵامی بانگەوازە گشتییەکان بدەنەوە.

 

وێنە گەورەکە: ڕۆژی پێنجشەممە 12-12-2024، مەزڵووم عەبدی، فەرماندەی گشتی هێزەکانی سوریای دیموکرات (هەسەدە) لەگەڵ شاندێکی دیکەی کورد بە مەبەستی بەشداریکردنی کورد و حکومەتی نوێی سووریا گەیشتە دیمەشق و لەگەڵ ئەحمەد ئەلشرەع، فەرماندەی گشتی هێزەکانی ئۆپۆزیسیۆنی سووریا کۆبووەوە.

 

ڕاگەیێنراوی فەرمی: مەزڵووم عەبدی، لەبارەی دۆخی سووریا و ڕۆژئاوای کوردستان چەند داوایەک لە حیزب و لایەنەکانی ڕۆژئاوای کوردستان دەکات و ڕایگەیاند: 

• لە پێناو یەکڕیزی نیشتیمانی و نەتەوەیی لە بەرژەوەندیی حزبی دوور بکەونەوە.
•  یەکێتی نەتەوەیی کورد لە سووریا بووەتە پێویستییەکی مێژوویی.
•  دەبێت هەموومان وەڵامی بانگەوازە گشتییەکان بدەینەوە بۆ گفتوگۆ و یەکڕیزی و یەک هەڵوێستی.
•  دەبێت هەڵوێستی پاڵپشتیکارانە بۆ دیالۆگی سووریا بگرینەبەر و بەشدار بین لە بنیاتنانی داهاتووی سووریایەکی دیموکراسی و فرەیی.

 

باکگراوند: ڕۆژی یەکشەممە 8-12-2024، دەسەڵاتی 53 ساڵەی بنەماڵەی ئەسەد لەسەر دەستی هێزەکانی ئۆپۆزیسیۆنی سووریا کۆتایی پێهات و گۆڕانکاریی نوێ هاتە ئاراوە. بۆ کوردانی ڕۆژئاواش قۆناغێکی دیکە دەستی پێکرد و  داوا دەکرێت ئەم هەڵە مێژوویە لە دەست نەدرێت و ناکۆکییە ناوخۆییەکانیان لە پێناو بەرژەوەندی گشتی وەڵا بنێن و پەیامەکانیان بکەنە یەک.