تاڵیبان نمایشی سەربازی بە چەک و كەرەستە سەربازییە بەجێماوەكانی ئەمریكا دەکات

 

ئاڤا نیوز 

 

تاڵیبان نمایشی سەربازی بە چەكە قورس و ئۆتۆمبێلە سەربازییە بەجێماوەكانی ئەمریكا دەکات كە بەهاكەی 7 ملیار دۆلار دەبێت.

 

وێنە گەورەكە: دوای جێهێشتنی ئەفغانستان لە 30-08-2021، نزیكەی 70%ـی ئەو چەک و كەلوپەلە سەربازییانەی ئەمریكا بە حكومەتەكەی 'ئەشرەف غەنی' دابوو، لە فڕۆكەخانەی سەربازیی 'حامد كارەزای' جێمابوو، دواتر كەوتە دەستی بزووتنەوەی تاڵیبان و بەهاكەی بە 7 ملیار دۆلار دەخەمڵێنرێت. 

 

زانیاریی بەدەستهاتوو: بەگوێرەی گرتەیەكی ڤیدیۆیی كە لە تۆڕی كۆمەڵایەتی 'ئێكس' بڵاوكراوەتەوە، بزووتنەوەی تاڵیبان چەک و كەلوپەلی سەربازیی ئەمریكی بە بەهای 7 ملیار دۆلار نمایش دەكات.

 

زانیاریی زیاتر: بەشێک لە وڵاتانی جیهان نیگەرانن لەوەی تاڵیبان فرۆكەی بێفرۆكەوانی ئەمریكی و چەكە قورسەكان بۆ دروستكردنی گرژی و بەرژەوەندیی تایبەت بەكاربهێنێت.

 

باكگراوند: دوای جێهێشتنی ئەفغانستان، 80 فرۆكەی ئەمریكی و 42 هەزار پارچە چەكی سووک و مامناوەند و سەدان كامێری حەراری و ئامێری GPS دیاریكردنی شوێنی جوگرافی كەوتنە دەست هێزەكانی بزووتنەوەی تاڵیبان كە حكومڕانی ئەو وڵاتەیان گرتە دەست.