دوای دابڕانێکی زۆر بەرهەم ساڵح گەڕایەوە پیرمام

ئاڤا نیوز

 

دوای زیاتر لە دوو ساڵ، سەرۆک بارزانی و د.بەرهەم ساڵح لە پیرمام کۆبوونەوە و گفتۆگۆیان لەبارەی ڕووداو و پێشهاتەکانی عێراق و ناوچەکە کرد.

 

وێنە گەورەکە: دوای ئەوەی پەرلەمانتارانی پارتی دیموکراتی کوردستان لە هەڵبژاردنی سەرۆککۆماری عێراق لە ساڵی 2022، دەنگیان بە د.بەرهەم ساڵح نەدا و پشتگرییی د.عەبدوللەتیف ڕەشیدیان کرد بۆ ئەوەی ببێتە سەرۆککۆماری عێراق، بەمەش پۆستەکەی لەدەست دا و بێ پشتیوانی پارتی نەیتوانی بۆ دووەمجار ببێتەوە سەرۆککۆمار، ئەمڕۆ یەکشەممە بۆ یەکەمجار د.بەرهەم ساڵح سەردانی پیرمامی کرد و لەگەڵ سەرۆک مەسعود بارزانی کۆبووەوە.

ڕاگەیێنراوی فەرمی: بارەگای بارزانی بڵاویکردووەتەوە، لە دیدارەکەدا سەرۆک بارزانی و دکتۆر بەرهەم ساڵح بیروڕایان لەبارەی دوایین ڕووداو و پێشهاتە سیاسییەکانی عێراق و ناوچەکە ئاڵۆگۆڕ کردووە، هەروەها تاوتوێی بابەتە هەنووکەییەکانی هەرێمی کوردستانیان کردووە.