پەیامی سەرۆک بارزانی لەبارەی گوتەکانی ئەحمەد شەرع سۆشیاڵ میدیای سووریای تەنیوە

ئاڤا نیوز 

 

دوای پەیامی سەرۆک بارزانی لەبارەی پەیامەکەی ئەحمەد شەرع سەبارەت بە کوردانی سووریا، ڕۆژنامەنووس و چالاکوانان و کەسایەتییە دیارەکانی سووریا پێشوازی لە پەیامەکەی سەرۆک دەکەن. 

 

وێنە گەورەکە: دوای پەیامی سەرۆک بارزانی بۆ خەڵکی سووریا پێشوازیکردن لە پەیامەکەی ئەحمەد شەرع، گەل و ڕۆژنامەنووسانی سووریا پێشوازیی گەرمیان لە پەیامەکە کرد و دڵخۆش بوون بە گەشبینی سەرۆک بارزانی.

 

ڕاگەیێنراوی فەرمی: قوتەیبە یاسین، میدیاکار لە کەناڵی سووریا و ئیڤان حەسیب، ڕۆژنامەنووس و دەیان چالاکوانی دیکەی سووریا پەیامەکەی سەرۆک بارزانییان بە زمانی عەرەبی لە هەژمارەکانی خۆیان لە تۆڕە کۆمەڵایەتییەکان بڵاوکردەوە و سوپاسی و ستایشی هەڵوێست و تێروانینی سەرۆک بارزانییان کرد.

 

ئەوەی پێویستە بیزانیت: پێشتر ئەحمەد شەرع، فەرماندەی گشتیی دەستەی تەحریرولشام لەبارەی کێشەی کورد لە سووریا ڕایگەیاندبوو: "کورد بەشێکە لە نیشتمانەکەمان و وەکو ئێمە ڕووبەڕووی ستەمی زۆر بوونەتەوە، بە ڕووخانی ڕژێم ئەو ستەمەی تووشیان بوو نامێنێت و پشتیوان بە خودا لە سووریای داهاتوو کورد بەشێكی سەرەکی دەبێت، لەگەڵ کورد پێکەوە دەژین و هەموومان بەپێی یاسا مافی خۆمان وەردەگرین، لەئەمڕۆوە هیچ ستەمێک لە کورد ناکرێت و مێژووی نوێ و دەرگایەکی نوێ دەکەینەوە.

 

پەیامی فەرمی: سەرۆک بارزانی لە پەیامێکدا لەبارەی پەیامەکەی ئەحمەد شەرع ڕایگەیاند: "ئەم تێڕوانینە بۆ کورد و داهاتووی سووریا جێگەی خۆشحاڵییە و پێشوازی لێ دەکەین، هیوادارین ئەمە دەستپێکێک بێت بۆ ڕاستکردنەوەی ڕێڕەوی مێژوو و ئەو مامەڵە هەڵە و نادروستەی لە بەرامبەر گەلی کورد لە سووریا دەکرا. 

 

٠ سەرۆک بارزانی پێی وایە، ئەم جۆرە تێڕوانینە ڕێخۆشکەرە بۆ بوونیادنانی سووریایێکی بەهێز، پێویستە کورد و عەرەب و سەرجەم پێکهاتەکانی دیکەی سووریا، سوود لەم دەرفەتە وەربگرن بۆ ئەوەی پێکەوە لە دامەزراندنی وڵاتێكی سەقامگیر و ئازاد و دیموکرات، بەشدار بن.