مه‌زڵووم عەبدی: ڕۆڵی وڵاتانی عەرەبی لەكۆتاییهێنان به‌شه‌ڕ له‌سووریا بەرز دەنرخێنین

ئاڤا نیوز

 

فه‌رمانده‌ی گشتی هێزه‌كانی سووریای دیموکرات (هه‌سه‌ده‌) په‌یامێكى له‌باره‌ى کۆبونەوەی وڵاتانی عەرەبی بڵاوكرده‌وه‌  و دەڵێت "پێشوازیی لەڕاگەیێنراوی كۆتایی لوتكەی عەقەبە دەكەین، ده‌شڵێت: وەستانی پڕۆسە سەربازییەكان هەنگاوێكی سەرەكییە بۆ بونیادنانی سوریایه‌كى نوێ".

 

وێنەگەورەکە: ڕۆژی 10-12-2024، سەرجەم وەزیرانی دەرەوەی وڵاتانی عەرەبی لەسەر دۆخی سووریا لە شاری عەقەبەی ئوردن کۆبوونەوە و داوایان کرد دیالۆگێکی تۆکمەی نیشتمانی بە بەشداری هەموو لایەنەکانی سووریا لە پێناو بنیاتنانی دەوڵەتێکی ئازاد بەبێ جیاوازی دەستپێبکات، ئەوانیش پشتگیرییان دەکەن.

 

پەیامی فەرمی: مه‌زڵووم عەبدی له‌په‌یامێكدا له‌هه‌ژماری تایبه‌تی خۆی له‌تۆڕی كۆمه‌ڵایه‌تی ئێکس نووسیویه‌تى:" دەستخۆشی لە وڵاتانی عه‌ره‌بی سەبارەت بەسووریا دەکەین کە ڕۆڵی کاریگەریان هەبوو لەكۆتاییهێنان به‌شه‌ڕ له ‌سوریا".

 

زانیاریی زیاتر: عه‌بدى جه‌ختیكردووه‌ته‌وه‌، سەقامگیرکردنی سووریا بە بەشداریکردنی هەموو لایەنەکان‌ و دەستەبەرکردنی یەکپارچەیی خاکەکەی دەستپێدەکات، ئەوەش ڕێگە خۆشدەکات بەرەو ئاشتییەکی بەردەوام بۆ بنیاتنانی سووریایەکی نوێ".

 

لە لایەکی دیکەوە: هەر ئەمرۆ شەممە، 15-12-2024، گیر پیدرسن، نێردەی تایبەتی نەتەوەیەکگرووەکان بۆ کاروباری سووریا گەیشتە دیمەشق و چاوەڕوان دەکرێت لەگەڵ ئۆپۆزیسیۆنی ئەو وڵاتە کۆببێتەوە.