وەزارەتی خوێندنی باڵا ئەنجامی وەرگرتنی قوتابییانی لە زانکۆ و پەیمانگە تایبەتەکان ڕاگەیاند

ئاڤا نیوز

 

وەزارەتی خوێندنی باڵا و توێژینەوەی زانستی ئەنجانی وەرگرتنی قوتابییانی لە زانکۆ و پەیمانگە تایبەتەکان ڕاگەیاند.

 

ڕاگەیێنراوی فەرمی: ئەمڕۆ دوو شەممە، وەزارەتی خوێندنی باڵا و توێژینەوەی زانستی، ئەنجامی وەرگرتنی دەرچووانی پۆلی دوانزەی ئامادەیی لە زانکۆ و پەیمانگە تایبەتەکانی هەرێمی کوردستان بۆ ساڵی خوێندنی 2024 -2025 ڕاگەیاند.

 

زانیاریی زیاتر: ئەو قوتابییانەی پێشتر داواکارییان پێشکەش کردووە ئێستا دەتوانن لە ڕێگەی ئەم بەستەرەوە mhe- privatestudy.com دڵنیابنەوە لە گەڕانەوەی ناوەکانیان، هاوکات پێویستە ئەو قوتابییانەی کە ناوەیان گەڕاوەتەوە لە ماوەی سێ ڕۆژدا پەیوەندی بە شوێنی وەرگرتنیانەوە بکەن، بە پێچەوانەوە مافی وەرگرتنیان لەو شوێنانە نامێنێت.

 

ئەوەی پێویستە بیزانیت: ڕاگەیاندنی ناوی قوتابییان هاوکاتە لەگەڵ بڕیارێکی وەزارەتی خوێندنی باڵا بۆ کەمکردنەوەی کرێی خوێندن لە زانکۆ و پەیمانگە تایبەتەکان بە ڕێژەی 10% بۆ 20%ی هەر ساڵێک، بە لەبەرچاوگرتنی باری دارایی هاووڵاتییانی هەرێمی کوردستان.